Plaaslike besighede vir dae sonder Telkom-foonlyne

Alida de Beer

Verskeie Telkom-foonlyne in die middedorp was van verlede Vrydag af buite werking weens 'n beskadigde kabel.

Volgens die voorsitter van die Georgesakekamer, dr. Dennis Farrell, was hulle lyne gister steeds af. Hy het gesê Telkom kon na bewering nie herstelwerk doen nie omdat hulle gewag het vir toestemming van die George-munisipaliteit om toegang te verkry tot mangate wat toegeteer is.

"Dit lyk asof dit 'n uitgerekte proses is vir die munisipaliteit om toestemming te gee vir die oopmaak. Ek wil graag weet hoe die munisipaliteit die inspeksie gedoen het toe die pad geteer is en kon toelaat dat dit gebeur? Ek aanvaar die kontrakteur is betaal vir die werk. Wie gaan die ondernemings wat hierdeur geraak is en besigheid verloor het, vergoed? Gaan die munisipaliteit steeds volle belasting en dienste vra, want dit is grootliks deur hulle dat die herstelwerk vertraag word? Die besighede het nie hierdie tipe teëspoed nodig terwyl hulle deur beurtkrag ook gekortwiek word nie."

Telkom se kommunikasieafdeling het nie voor druktyd op navrae gereageer nie. Farrell het die munisipaliteit gister gekontak deur die plaaslike ekonomiese ontwikkelingsafdeling wat sy klagte na die ingenieursdepartement verwys het. Teen druktyd was daar nie enige verdere terugvoer nie. George Herald het 'n navraag aan die munisipale kommunikasieafdeling gestuur, maar dit was te laat om inligting te verkry.

This coloured male is wanted for robbery. He is between 30 and 35 years old, approximately 1,7m tall and has a slender build. Anyone with information about this suspect is asked to contact Warrant Officer Jerome Malan on 044 803 4715.

This coloured male is wanted in connection with a business robbery. He is between 30 and 35 years old, has a dark complection and is approximately 1,8m tall with a slender build. Anyone with information about this suspect is asked to contact Warrant Officer Jerome Malan on 044 8034715.