Volrond en vroulik vir ’n liefdessaak
Kleurvolle tabberds en 13 volronde vroue het vanjaar oë laat rek by die Mej. Volrondkompetisie vir liefdadigheid. Die kompetisie, wat vanjaar vir die tweede keer aangebied is, het verlede Saterdagaand gesorg vir groot vermaak by Parkdene Sekondêr.
Die vroue het hul slag gewys in verskeie afdelings, waaronder sporten aanddrag. ‘n Paar bekendes was tussen die finaliste te siene, soos die George-raadslid Mercia Draghoender en twee amptenare van Garden Route-distriksmunisipaliteit, Raylene Meyer, ‘n administratiewe beampte van toerisme, en Nontobeko Klaas, die bestuurder van menslike hulpbronne.
Die ster van die aand was Priscilla Foster, wat gekroon is met die titel Mej. Volrond George. Die eerste prinses is Luwayda Tarentaal en Raylene Meyer is die tweede prinses. Die kompetisie word ook in Oudtshoorn, Knysna, Sedgefield, Mosselbaai en Groot-Brakrivier gehou. Die wenners van elke kompetisie sal volgende jaar aan die Mej. Volrond Garden Route deelneem.
Die funksie dien as ‘n fondsinsameling vir die Preston Adams-trust wat gestig is met die doel om gesinne by te staan wat gebuk gaan onder die uitdagings wanneer kanker by ‘n kind in die gesin gediagnoseer is.
Volgens Bredon Adams, die stigter van die trust, is die Mej. Volrondkompetisie ‘n inisiatief van die gemeenskap. “Elke bietjie help, dit gaan hier oor die bewusmaking van kinderkanker in die gemeenskap en die lot van ouers wat hierdie trauma moet deurgaan,” het hy gesê.
‘n Bedrag van R3 500 is ingesamel vir die trust. Adams bedank die borg van die aand, Kevin Williams Donalda Bantom en Kevin Williams van Nuwe Dinge, die borg van die funksie.
van Nuwe Dinge, ‘n modewinkel in Mosselbaai, asook die organiseerder, Irene Innis, die deelnemers en almal wat gehelp het om die aand ‘n sukses te maak.
Diegene wat graag bydraes wil lewer vir geskenkpakkies wat Sondag na die Rooikruis-kinderhospitaal geneem word, kan Irene kontak by 062 194 2788.