Gogga nie met vakansie nie
Kantoordeur toetrek en luilekker langs die see ontspan, is binnekort baie se voorland, maar nie vir Gideon (Gogga) de Swart van Gogga Bicycle Courier nie. Hy gaan nie met vakansie nie en sal steeds een van sy fietse se speke laat sing.
Gideon het verlede week by die George Herald kom inloer. Hy is slaggereed om met sy dienste in die vakansietyd voort te gaan. Soos altyd, is hy enige tyd beskikbaar om enige plek in George aflewerings te maak.
Hy is al ‘n bekende gesig op George se paaie en padgebruikers groet hom graag as hy een van sy fietse se pedale trap.
Gebore met swak sig, is hy nie iemand wat iets in sy pad laat staan nie. Hy het sy eie onderneming, ‘n koerierdiens, meer as vier jaar gelede begin. Aanvanklik het hy met ‘n resiesfiets begin en sedertdien het dit uitgebrei. Vandag besit hy twee bergfietse en drie waentjies wat hy agter die fietse aansleep. Daarin karwei hy byvoorbeeld pakkies vir kliënte.
Gideon verskaf ook dienste soos byvoorbeeld die uitneem van lisensies vir voertuigeienaars. Dié diens is sommer in groot aanvraag.
Hy het ook ‘n spesiale sak waarin hy bestellings aflewer wat mense geplaas het by George Herald. kitskosrestaurante.
Hy ry die hele dorp vol en minstens een keer per week gaan hy na die Garden Route Mall.
Mense wat van sy dienste gebruik wil maak kan hom bel by 082 795 5283.
Remember the SPCA’s bingo evening at the George Bowling Club tomorrow, Friday 7 December, at 19:00 for 19:30. Bingo booklets, which offer three chances of winning in each of six games, are only R50. Delicious homemade mac & cheese and salad will be for sale at just R50. For more info please contact Heather on 072 877 2911 or Wendy on 082 351 4669.