Kom hou piekniek in Pacs Saterdag
Alle paaie in Pacaltsdorp lei Saterdag 15 Desember na die park tussen Pacaltsdorp Primêr en Missionstraat (oorkant die Ou Apostoliese Kerk). ‘n Gemeenskapspiekniek word deur die Pacaltsdorp-leraarsforum aangebied en alle inwoners word uitgenooi om die dag te kom geniet.
Verrigtinge begin om 10:00 tot laat en sluit in gratis potjiekos, film op die grootskerm, musiek, gratis kinderpret, speletjies vir oud en jonk, dominokompetisie, kaskarwedren en Boeresport Olympics. Families, wat graag wil, is ook welkom om hul eie piekniekmandjies saam te bring. Moenie jou stoele of komberse, om lekker op die gras uit te span, vergeet nie.