Liggies en Emo sorg vir groot vermaak by
Kersliggies en Emo Adams. Dié kombinasie het Saterdagaand tydens die jaarlikse Liggiefees groot vreugde vir duisende mense in die middedorp gebring. Met die druk van 'n knoppie het Melvin Naik, George-burgemeester, kort na 20:00 die middedorp by Eenheidspark in 'n sprokieswêreld omskep.
Reeds van vroeg Saterdagmiddag het inwoners en besoekers na die middedorp gestroom en tussen stalletjies langs Yorkstraat rondgestap. 'n Karnavalatmosfeer het geheers en sover bekend het geen ernstige voorvalle van misdaad voorgekom nie.
In 'n stadium het twee mans wel in 'n woordewisseling betrokke geraak en met mekaar begin stoei. Wetstoepassingsbeamptes was vinnig op die toneel en het die twee mans gekalmeer.
Tydens die geleentheid is ook verjaarsdagpartytjie gehou om die vierjarige bestaan van die GO GEORGE-busdiens te vier. James Robb, GO GEORGE-bestuurder, het aan die George Herald gesê daar was baie uitdagings die afgelope vier jaar. Fase 4,
5 en 6 van die busdiens wag en dit moet ingestel word.
Verskeie kunstenaars het tussendeur aanwesiges vermaak. Die Uniondale Rieldansers het al die pad van Uniondale gekom en aanwesiges se voete laat jeuk. Mense wou net saam met hulle dans.
Die Diversity Dance Crew van Ons wag vir Emo. Van die skare by die Liggiefees.
Pacaltsdorp het die mense na hul asems laat snak met hulle moeilike danspassies.
Sean Snyman, burgemeesterskomiteelid vir gemeenskaps- en maatskaplike ontwikkeling, biblioteke en sport, het gesê dit is belangrik dat mense saamkom. Die feit dat dit by Eenheidspark gebeur, maak dit meer relevant. En die ligiges is aan! Groot opgewondheid het geheers toe die liggies kort na 20:00 aangeskakel is. LINKS: Die verkeersbeamptes was ook by die Liggiefees teenwoordig om seker te maak dat alles vlot verloop.
Onder die aanwesiges was Aiden Roelfse (8). Hy kon nie wag om sy pa, Adam Roelfse van die munisipaliteit se Anti Land Invasion-eenheid (beskermingsdienste) te sien nie. Adam het diens gedoen by die geleentheid en sy familie het saam kom fees vier.
Renata en Dewald Senekal het hul Jack Russell, Kiekie saamgebring. "Kiekie gaan oral saam. Sy is my babatjie," het Renata vertel.
Die 6-jarige Skylah Jacobs het tot groot vermaak van haar maatjies, borrels geblaas met 'n speelding.
Hoe nader 20:00 gekom het, hoe meer opgewonde het die skare geraak.
Naik het 'n paar minute voor 20:00 aan die