Hoëkop neem deel aan skaakkampioenskap

Die afgelope naweek het skaakspanne van klubs dwarsoor die Wes-Kaap by Stilbaai vir die jaarlikse Wes-Kaapse klubkampioenskap saamgetrek.

Die direkteur van sport en ontspanning in die Wes-Kaap, dr. Lyndal Bouah, was ook daar om sy gewig in te gooi by sy klub, Steinitz.

Bouah is 'n geesdriftige skaakspeler wat Suid-Afrika al op internasionale vlak verteenwoordig het en wat steeds aktief by toernooie betrokke is.

George, Mosselbaai, Riversdal, Slangrivier en Kaapstad het elk een of meer spanne ingeskryf. Na ses uitdunrondes wat oor twee dae gespeel is, het die Steinitz A-span met die louere weggestap.

Die A-span van George het ‘n vierde plek behaal. Saam met hulle is dr. Lyndon Bouah, die direkteur van sport en ontspanning in die Wes-Kaap (2de van regs). Van links is Terry Quirk, Lionel Campbell, Grant Campbell, Anje Campbell, Bouah en Paul Stafford.

Sommige van die deelnemers.