Unieke geskenke by Ekliefkrismis
Is jy op soek na 'n unieke, handgemaakte Kersgeskenk vir daardie spesiale mense in jou lewe?
By Ekliefkrismis Kersmark sal jy nie net die mooiste handgemaakte produkte kry nie, maar jou inkopies sal ook ‘n verskil maak in die gemeenskap.
Elke jaar ondersteun die mark die
Hope Art Project en die Cotton Crochet Company, twee liefdadigheidinisiatiewe wat minderbevoorregte vrouens en weeskinders uit hulle omstandighede ophef deur die verkoop van hulle unieke handgemaakte produkte.
Die mark bied ook elke jaar hulle 5 km Dog Walk aan ter ondersteuning van die Tuinroete DBV. Die gebeurtenis bring alle diereliefhebbers, van jonk tot oud, bymekaar om ‘n klein bietjie terug te gee aan die DBV vir al hulle harde werk deur die jaar.
Die Kersmark is van Maandag tot Saterdag oop van 09:00 tot 18:00. Eden Place (Ou Radermachers-gebou) is die tuiste van Eden-gemeente, ongeveer 2 km verder as die Garden Route Mall op die N2 na Wilderness.
Dagboek die datums:
11 Desember: Lof & Liggies-openingsaand – ‘n aand vol lofsang en Kersliggie tonele om te beskou. Mark open 18:00 en lofsangvertoning begin 20:00. R10 p.p.
15 Desember: Die 5 km Ekliefkrismis Dog Walk – registrasies begin 08:30 en die stap begin om 09:00. R5 per poot / menslike voet. Wenners van die Ekliefkrismisinkleurkompetisie word om 10:30 aangekondig . 22 Desember: Kersvader besoek al die kinders by Ekliefkrismis om 10:00 tot 12:00. Bring jou kleingoed en kom neem lekker foto’s.