Supporters stap met louere weg in rolballiga
Supporters het tydens die FNB Insurance Love 4 Vintage Somerliga vir besigheidspanne met mening op die titel afgepeil, maar moes eers by die gedugte Disasters verbykom.Beide spanne het in die eindstryd by die Outeniquarolbalklub vanaf die eerste balle wat gerol is duidelik getoon dat hulle nie maklik gaan bes gee nie. Supporters het egter koelkop gebly en uiteindelik nog 'n paar ligapunte opgetel wat die kampioenskap vir hulle verseker het.
Vorster Motors het ook die titel in die oog gehad, maar moes die knie voor Kloppers buig. Na hierdie puik vertoning was die Kloppersspan uiteindelik die naaswenners en net vier ligapunte agter Supporters.
JB Motors, wat ook die hele reeks deur baie kompeterend was, het Bowling Stones in die eindstryd geklop, maar nie genoeg punte opgetel om Kloppers as naaswenners te onttroon nie. Hulle was uiteindelik derde op die punteleer met Disasters in die vierde plek.
Bruwer Reynolds Prokureurs wat Kommaweer Stoffeerders geklop het, het die vyfde plek ingeneem met Kommaweer in die sesde plek.
Dit was deur die reeks duidelik dat die spanne die sosiale rolbal baie geniet en almal het laat blyk dat hulle nie kan wag totdat die eerste reeks in die nuwe jaar aanbreek nie.
Uitslae:
1 Supporters 65; 2 Kloppers 61;
3 JB Motors 60; 4 Disasters 58; 5 Bruwer Reynolds Prokureurs 57; 6 Kommaweer Stoffeerders 55; 7 Vorster Motors 54; 8 Toyota Butz & Gutz 54; 9 Spoed 53; 10 4 Musketeers 53; 11 Just Property 51; 12 York Auto 51; 13 KTV 50; 14 Accidental Bowlers 49; 15 Bowling Stones 47; 16 Seamans Renault 46; 17 Talisman 45; 18 Miskruiers 44; 19 Jack's Paint & Hardware 44; 20 Mac Dee Hops 43; 21 The Privates 42; 22 Frikkie 41; 23 Mend a Bath 40; 24 Ricoh 40; 25 Magic Rollers 40; 26 Diva's 35; 27 Biltong & Braai 32; 28 Butter Bowls 30.