Pacaltsdorp skakel liggies aan

Die Pacaltsdorp Leraarsforum het leiding geneem by die aanskakeling van Pacaltsdorp se Kersfeesliggies by die Pacaltsdorp Amfiteater op Sondag 16 Desember.

Pastoor Allen Spies het die mense van Pacaltsdorp in sy Kersboodskap gevra om nederig te wees soos Jesus Christus, liefde te betoon teenoor ons naaste en in liefde om te gaan met mekaar.

Hy het ook verwys na die geweld teen vroue en kinders en die onnodige geweld en moorde in die gemeenskap.

Margie (links) en Albert Bok, saam met Olga Hector en Rosie Pieterse het die koel weer trotseer by die aanskakeling van die liggies.

Georgie Hendricks (links), Dinah Hendricks, Henry Matroos, Pieter en Zelda Jacobs saam met Valdine Cook (voor) was bly om die geleentheid te kon bywoon.

Pastoor Allen Spies (links), Pastoor Benjamin August en Jonathan Gelderbloem, die organiseerder van die aand.

Hester en Mark Pockpass het hulle gate uit geniet.