SA skaakkampioenskappe wag op hulle
Die opgewonde gesiggies van 130 jong skaakspelers het Saterdagoggend, 15 Desember, die George-lughawe begroet. Dié lede van die Edenskaakspan uit die Tuinroete-distrik is gekies om vanaf 15 tot 21 Desember aan die SA junior skaakkampioenskappe in Boksburg, Johannesburg, deel te neem. Kinders van regoor die land neem deel in ouderdomsgroepe o.8, o.10, o.12, o.14, o.16, o.18 en o.20. Die Eden-skaakspan het in die verlede ook spelers opgelewer wat Suid-Afrika op internasionale vlak verteenwoordig.