FB plaas Naik-tugsaak weer in kollig
'n Inskrywing op sosiale media oor die DA se tugaksie teen Melvin Naik, George se burgemeester en DA-lid, het opnuut die kollig geplaas op die uitkoms van interne verhore wat verlede jaar plaasgevind het. Hierdie verhore is in Oktober afgehandel, maar die uitkoms daarvan is nog nie bekend gemaak nie.
Naik het na bewering ander DA-lede tydens 'n geheime vergadering probeer oortuig om 'n ander party te ondersteun. Die burgemeester het ook in warm water beland na sy homofobiese uitlatings op die vooraand van 'n besoek van die Boston Male Chorus.
Volgens inligting is DA-raadslid Mercia Draghoender ook verhoor, maar die uitkoms van die tugverhoor is onbekend.
Brendon Adams, die administrateur van die Facebook-blad, Lokasies Staan Saam, het vandeesweek op sy blad aangevoer dat George se burgemeester 'n opgeskorte vonnis van vyf jaar by die DA gekry het. Adams kon nie op die selfoon bereik word nie en het teen druktyd nie op 'n boodskap gereageer nie.
Volgens inligting wat die George Herald bekom het, het die DA se federale regskommissie reeds in Oktober 2018 vir Naik met 'n drie jaar opgeskorte vonnis getug op die voorwaarde dat hy in die tydperk nie aan 'n soortgelyke oortreding skuldig bevind word nie.
Hy is na verneem word ook R5 000 beboet en hy moet 'n onvoorwaardelike verskoning aan die Boston Male Chorus aanbied, sowel as aan die LGBT-gemeenskap (Lesbian
Gay Bisexual and Transgender), wat in 'n koerant gepubliseer moet word.
Naik is ook opdrag gegee om kursusse in sensitiwiteitsopleiding en mediaverhoudinge by te woon. Betroubare bronne het aan die George
Herald gesê dat Naik se lidmaatskap wel geëis was. Dit was egter sy byna onmiddelike openbare verskoning oor sy haatspraak en 'n feitefout met 'n datum wat verband hou met 'n 'geheime vergadering' met uitgesoekte koukuslede wat tot 'n ligter vonnis gelei het.
Die George Herald het na die afloop van die verhore verskeie navrae aan James
Selfe, voorsitter van die DA se federale uitvoerende komitee gerig.
Die laaste twee navrae, waarvan die laaste een twee weke gelede was, was onbeantwoord.
Woensdag is Selfe weer gekontak, maar hy het nie teen druktyd gereageer nie. DA-lede van die George-stadsraad het navrae na Selfe verwys.
Anton Bredell, minister van plaaslike regering, het in sy hoedanigheid as DAvoorsitter van die Wes-Kaap, gesê sover sy kennis strek is Naik nie as burgemeester geskors nie. Hy het bygevoeg: "Ek wag nou vir die afhandeling van die Valke se ondersoek."
Naik was nie teen druktyd vir kommentaar beskikbaar nie.
A post on social media on the DA's disciplinary action against Melvin Naik, George's mayor and DA member, again highlighted questions regarding the internal hearings that took place last year. These hearings were finalised in October but the outcome was not made public.
Brendon Adams, the administrator of the Facebook page Lokasies Staan Saam, stated that George's mayor received a suspended sentence from the DA. According to information the George Herald received, the DA's federal legal commission slapped Naik with a three year suspended sentence.