Naik gee koue feite oor huise
Sowat 100 mense van Syferfontein en Rosedale het Vrydag by die Georgemunisipaliteit se kantore opgeruk op soek na antwoorde oor huise en dienslewering. Maar na ure se gewag is hulle vertel dat hulle by die verkeerde mense antwoorde soek.
Burgemeester Melvin Naik, wat eers 14:00 daar opgedaag het, het baie gou ‘n slegte smaak in hul monde gelaat. Hy het hulle in soveel woorde laat verstaan dat nie hy óf die munisipaliteit die antwoorde het wat hulle soek nie.
Naik het gesê die mense “is by die verkeerde adres wat behuising betref ”.
Volgens hom moet hulle met die departement van behuising gesels. Hy het die mense laat verstaan dat die munisipaliteit slegs die middelman is en net seker moet maak dat die projekte voltooi word.
Komiteelede van Syferfontein en Rosedale was baie kwaad en sê hulle was glo nie deel van die publieke deelname in 2013 nie. Melvin Roelfse, ‘n Rosedalekomiteelid, het gesê die huise gaan in elk geval gebou word, so hulle wil ten minste deel wees van die proses oor wie watter huise kry.
Roelfse sê dit het te doen met mense met gestremdhede wat nie trappies kan klim nie.
Matthew Mazeleni van die Syferfontein-komitee sê hulle is “eenvoudig net op die ou tiep gaan los waar mense daagliks siek raak van al die gemors in die grond”.
Mazeleni sê hulle word op ‘n vullishoop gelos en diere op die gesonde stuk grond net oorkant.
“Is diere dan belangriker as ons mense? Ons kinders raak siek en mense sterf van al die siektes wat hulle daar optel. En ek praat nie eens van die puttoiletstelsel wat een keer ‘n week skoongemaak word en deur hoeveel huisgesinne gebruik word nie.”
Elk van die gemeenskapsleiers kon Vrydag hul misnoeë uitspreek. En vir elk het Naik gesê hy kan hulle slegs feite gee, maar dit is dalk nie wat hulle wil hoor nie.
Hier het hy die mense wysgemaak oor wie verantwoordelik is vir wat, en aan wie se deur hulle moet gaan klop vir antwoorde.
Die mense, wat toe al van 09:00 in die son vir Naik moes wag, was glad nie gelukkig nie. Van hulle het selfs ‘n paar dreigemente gemaak en hom uitgejou.
Hy het gesê hy sal hulle help om ‘n vergadering met die provinsiale minister van behuising, Bonginkosi Madikizela, te reël sodat die mense antwoorde kan kry.
Op verdere navrae van die
George Herald sê Naik hy het ‘n versoek na die provinsiale minister van behuising gestuur vir ‘n vergadering met die groep. Hy sê hulle wag egter vir terugvoering oor ‘n datum.
“Ek het nie ‘n afspraak met die groep gehad nie en was in ‘n vergadering by die Georgelughawe,” sê Naik oor hoekom hy die mense so lank laat wag het.
Verder sê Naik hy het voorheen in kommunikasie met die groep van New Dawn Park dit duidelik gemaak dat die grond aan openbare werke behoort en dat die munisipaliteit slegs as ‘n agent vir die voorsiening van
Ons kinders raak siek en mense sterf van al die siektes wat hulle daar optel.