Bome vrek op ‘n streep
(Euwallacea nr. fornicates)
Die kundigheid van drie universiteite word betrek om te kyk hoe die verwoestingswerk van die stompkopkewer (Euwallacea nr. fornicates) en sy simbotiese swam (Fusarium euwallacea) onder bome in George en die streek gekeer kan word.
Nagraadse studente van die Universiteite van Pretoria, Stellenbosch en Grahamstad (Rhodes) in samewerking met senior akademici en die instituut vir bosbou- en landbou-biotegnologie (Fabi) is by die jongste poging betrokke.
Die kewer en swam vernietig nou al meer as ‘n jaar bome in George.
Prof. Wilhelm de Beer van Fabi het verlede jaar George en Knysna besoek en monsters geneem. Hy en sy span het toe vasgestel dat dit die stompkopkewer en sy simbotiese swam is wat die skade veroorsaak.
De Beer was die afgelope naweek terug in die Suid-Kaap. Hy het aan die George Herald gesê hy glo die kewer is al ‘n paar jaar in die gebied teenwoordig. Dit is in privaat tuine, maar daar is kommer oor wat gaan gebeur as dit na omliggende plantasies en gebiede versprei. In dié stadium is daar baie dinge van die kewer wat nie duidelik is nie. Oor die volgende twee jaar sal die studente op ‘n gereelde basis, waarskynlik elke twee maande, terugkeer na die gebied. In die stadium is daar geen manier om die kewer te stop nie. As daar vasgestel kan word hoe sy lewensiklus werk en watter tyd van die dag/jaar dit vlieg, kan die situasie bestuur word.
Nog inligtingsessies oor die kewer word vandag, 21 Februarie, om 18:00 by Glenwood Lodge in George en Saterdag in Knysna gehou. Dit word aangebied deur Hilton Fryer.
Vir meer inligting stuur ‘n e-pos na admin@glenwoodlodge.co.za of bel 083 632 2201.
Vir meer besonderhede stuur ‘n e-pos aan: info@TreeTreatment.co.za.
The PSHB beetle (Polyphagous shothole borer) and its fungus partner present an ongoing challenge.
Last week prof Wilhelm de Beer of the University of Pretoria visited George.
Two other universities, Stellenbosch and Grahamstown (Rhodes) are working together with the University of Pretoria.An information session will take place tonight, 21 February, at Glenwood Lodge. Hilton Fryer will address the meeting.