Crusaders lewer kragvertoning teen George

Crusaders het Saterdag op sy tuisveld in

Parkdene 'n krag-vertoning in sy eerste

Premierliga-kragmeting gelewer deur die nuwelingspan

George met 51-13 te troef.

Crusaders het agt drieë gedruk in

'n afgeronde vertoning en sommer met die intrapslag gewys dat hy vanjaar gewis onder die sterk gunstelinge is om die Premierliga te betwis. George, wat sonder twee van sy staatmakerspelers moes klaarkom, het erg gesukkel teen die inklimspel van die tuisspan. Hul lynstaanwerk en verdediging sal sterk aangespreek moet word indien hulle nie weer 'n groot loesing op die lyf wil loop nie.

George het met stewige skrumwerk in die eerste helfte die Crusaders-agttal laat les opsê, maar toe die tuisspan sterker druk begin toepas, het

George swaar geleef.

Vir Crusaders het Lwando Maxeke, Heinrich Leukes,

Lionel Mpisani, Pieter Hektoor, Christo du Plessis, en Adrian

Medina elk een drie gedruk en Earl Rouls twee. Gladwell Jafta het met 'n strafdoel en twee doelskoppe geslaag en Lionel Mpisani ook met twee doelskoppe. Vir George het Terence Venter gaan druk terwyl Henry Wolhuter (vleuel) agt punte met twee strafskoppe en 'n doelskop aangeteken het. Crusaders se tweedes het George met 44-7 geklop en sy derde span het George met 22-10 verslaan. Gladwell Jafta (losskakel) word om sy bene beetgekry deur George se Jacques Bothma (slot) en Ryno Stander (flank). Gershwin Muller kom links agter nader gedraf.

Gladwell Jafta (losskakel) sool die bal pale toe. Hy het sewe punte met sy skoen vir Crusaders aangeteken en sy span gehelp om George met 51-13 te klop. Foto’s: Hugo Redelinghuys Lionel Mpisani beur oor die doellyn vir sy drie teen George. Terence Venter druk met Crusaders se Devron Jansen wat hom probeer stop. Die Crusaders-agtsteman Christo du Plessis (links) stamp George se Christiaan Willemse (losskakel) met mening uit die pad. Terence Venter (vleuel) sny skerp na binne net voor hy onder die pale oorgeval het vir George se engiste drie.

Nathan Scott (heelagter) storm met die bal af op Crusaders se Pieter Hektoo met Earl Rouls wat by is om hom te ondersteun. Die George-stut Eugene Barnard (links) en sy spanmaat Chris Richardson (haker) gryp vir Adrian Meduna (met bal). Regs spring Devron Jansen (stut) nader om hom te help. Lodewyk Muller (plaasvervanger-skrumskakel) kom links agter aangedraf.