Rekords spat by tweekamp
Vyf SA rekords, agt provinsiale rekords en vyf byeenkomsrekords is verlede Saterdag op Oudtshoorn by die Highgate interprovinsiale tweekampbyeenkoms opgestel.
Johan Windt (Eden) en Marille Bass (WP) het die SA rekords verbeter.
616 atlete het deelgeneem.
Die WP het die spanbeker gewen gevolg deur Boland, OP en Eden.
Die vier topatlete by vanjaar se byeenkoms was:
Senior victor ludorum: Johan Windt (Eden) en Micheal Forbes (Grens).
Senior victrix ludorum: Kelly Vroom (WP).
Junior victor ludorum: Matthew van Coller (OP).
Junior victrix ludorum: Anke Serfontein (OP).
Eden se vier medaljes is deur Johan Windt, Edie Lutsch, Damian Smith en Landré Cope ingepalm.
'n Hele paar Eden-atlete het medaljes net-net gemis: Emma Lotter (2242
4), Ruben Gouws (2349 4), Landré Botes (2213 4), Michelle Human
(2166 4), Walter Lutsch (2272 4), Stef Schoeman (2137 5), Cara Bergh (2157 5) en Jada Coetzee (2204 7).
Die volgende ligabyeenkoms is op Mosselbaai op 11 Februarie gevolg deur die Liga 2-byeenkoms in George (18 Februarie) en dan die Liga 3-byeenkoms op Oudtshoorn
(25 Februarie). Die Edenkampioenskappe is op 3 Maart op Oudtshoorn.
Die Highgate-volstruisplaas het die interprovinsiale byeenkoms, die grootste nog, vir die 26ste keer geborg.
Die burgemeester van Oudtshoorn, Colan Sylvester, was die gasspreker by die geleentheid. As die sukses van dié byeenkoms 'n aanduiding is van die SA kampioenskappe van 20-21 Maart op Oudtshoorn, wag daar 'n groot skouspel.