Rotariërs hou konsert vir goeie doel

Die Rotariërs gaan op 7 en 8 Oktober konsert hou by die Acropolis Venue by die Olympia Equestrian Centre R404 Blanco, George.

Dit is ten bate van die George Rotary Projects. Die kunstenaars wat gaan optree is Thys Beukes en Eugene Prinsloo van GnT, Hannah Prinsloo bekend as Hannah E, en Michael van Zyl.

Toegangsgeld beloop R250 vir gewone kaartjies, R350 vir 'n BBP-kaartjie wat 'n bottel wyn insluit, 'n kaasbord, 'n toegewysde kelner met die beste sitplekke.

Dit is 'n lewende vertoning met onder meer beligting, videos en gepaste kostuums. Die produksie vertel die geskiedenis van Rock & Roll van 1954 tot en met die tagtigerjare.

Geld wat ingesamel word sal vir 'n goeie doel aangewend word. George Rotariërs behartig baie projekte in die gemeenskap en sluit in finansiering, bystand en professionele hulp vir niewinsgewende organisasies in en om George.

Volgens die organiseerders is daar veilige parkering, 'n kontantkroeg en ligte etes/ versnaperings beskikbaar. Daar sal ook sekuriteit by die venue en parkering wees. Hulle benadruk dis 'n professionele produksie met puik kunstenaars, beligting en klank.

Konsertgangers sal na die vertonings van die kunstenaars in persoon kan ontmoet om byvoorbeeld hul handtekeninge te kry en CD’s te koop.

Kaartjies is beskikbaar op quicket.co.za asook by die deur. Vir meer besonderhede kontak Willie Goldblatt by 082 885 7689.