Blanco se gemeentekonsert baie gewild
So gewild was die NG Kerk Blancogemeente, se konsert dat nog 'n vertoning aangebied gaan word.
Dit kon uiteindelik weer, na die Covid19-pandemie inperking, op 2 September aangebied word. Dit is 'n jaarlikse gemeente konsert. Die musiekspan het maande lank onder leiding van Drini Botha, die musiekkoördineerder geoefen, om 'n goed afgeronde produksie op die planke te bring.
Die musiekspan het as gevolg van die geweldige positiewe terugvoer besluit om die konsert getiteld, Movies & Musicals op Vrydagaand 28 Oktober te herhaal.
Dit beloof om 'n heerlike aand te wees gevul met bekende en besonderse musiek uit bekende musiekblyspele en films.
Blanco-gemeente George nooi jou uit om jou piekniekmandjie met eet- en drinkgoed saam te bring en saam te kuier.
Tafelbesprekings kan gedoen word by Gerda 044 870 7595, teen slegs R50 'n kaartjie.
Sien jou 28 Oktober 17:30 by die NG Kerk Blanco-kerksaal.