Verwaarlosing van park onaanvaarbaar
Die berig, 'Swift action to clean up
Apple St park', oor die skoonmaak van die parkie by Applestraat, Heatherpark in George Herald van 15 Desember 2022, is baie misleidend. Ek aanvaar dit is wat die munisipaliteit vir die koerant genoem het, dat hulle alles dadelik gedoen het. Dit is egter nie waar nie.
Die groot tak, struik by die prieel en twee indringerplante is afgesaag. Daar is egter niks aan die oorgroeide tuine en onkruid wat hoog staan, gedoen nie. Die varings is nie verwyder nie en groei al in die grasperk in.
Die garingplant met sy harde skerp punte aan die blare is ook nie verwyder nie.
Die plant is uiters gevaarlik vir die klein kindertjies wat by die bruggie (wat ook in 'n swak toestand is) speel. Sou so 'n skerp punt 'n kind in die oog steek, kan hy/sy hul sig verloor of gesig beskadig word.
Ek het wel nie voorheen vir Parke gevra om die prieel te verwyder nie, maar ek voel die onooglike pale kan maar verwyder word, want dit dien geen doel nie.
Die gras word nie met grasmasjiene met bakke gesny wat die grassnysels opvang nie. Dit word net so vinnig as moontlik met rantsnyers gesny wat net die onkruid en blare rondwaai.
Die vraag is hoekom is die kontrak vir die skoonmaak van die tuine nie hernu nie. Dit is ongeveer drie of vier jaar laas gedoen, nadat ons ook gereeld klagtes moes indien.
Die netheid van die parkie gaan nie net oor my en van die ander inwoners wat my ook gevra het om namens hulle te praat nie.
Dit toon 'n swak beeld van die diens wat die munisipaliteit lewer aan besoekers en ander eienaars wat huise rondom die parkie het en nie hier woon nie. Die munisipaliteit spog tog so graag met watter goeie diens hulle hier in George lewer.
Die parkie behoort al vir baie, baie jare nie meer aan die inwoners nie, maar aan die munisipaliteit.
George Municipality responds:
The George Municipality’s Parks and Recreation Services did remedial actions when the complaint was received, please see the attached file that shows before and after images of the concerned area. The grass-cutting contract does not include the ornamental plants in the park. We are in the process of adding the park to the existing flowerbeds contract as soon as the procurement process is done, then the ornamental plants will be maintained including the cutting of the ferns.