Moederkerk gons oor afdanking van Finkom
Dit gons oor die afdanking van die finansiële kommitee by die NG Moedergemeente in George. Talle prominente mense in George het op die komitee gedien. Onder hulle is Flip de Swardt, 'n voormalige burgemeester, Tommie Smook, 'n voormalige hoof van Hoërskool Outeniqua en ds. Les Hayward, bekende predikant. De Swardt was voorsitter van die komitee.
George Herald het inligting daaroor ontvang en verder navraag gedoen. Na verneem word is van die afgedankte lede veral erg omgekrap oor die wyse waarop dit gedoen is. Die afgedankte lede het verskeie gesprekke probeer voer om vas te stel wat aan die gang is. Hulle is Dinsdagoggend, 30 April, ingelig dat die kerkraad die saak as afgehandel beskou en dat hulle daarby moet berus.
Die komitee is 'n kommissie van die kerkraad en bestuur onder meer die finansies van die gemeente. Die komitee is onderhewig aan eksterne ouditering.
Joubert Theart, voorsitter van die kerkraad, het vroeër in antwoord op George Herald se navraag net 'n kort boodskap gestuur. Dit lui onder meer: "Dankie vir jou navraag. Ons as dagbestuur van ons kerkraad voel dat ons nie kommentaar wil lewer oor ons gemeente se binnewerke nie, aangesien dit privaat aangeleenthede is."
Lede van die afgedankte komitee het egter Dinsdag 30 April 'n verklaring beskikbaar gestel.
Die verklaring lui:
1. Ontvang op 27 Maart, net voor die Paasnaweek, 'n e-pos van Joubert Theart, voorsitter van die Kerkraad, waarin die Kerkraad die Finkom ontbind.
Die voorsitter van die Finkom is reeds vroeër in die dag, sonder sy medewete of verduideliking, toegang tot die Gemeente se rekeninge elektronies ontsê.
2. Die Kerkraad het nie die Gemeente hieroor, of die redes waarom, ingelig nie. As gevolg daarvan is die lede van die Finkom onder verdenking geplaas.
3. Die voormalige Finkom-lede is werklik trots op hul funksionering en hul rekord. Nie net is die Gemeente se finansiële toestand
tans kerngesond nie, maar dit kon ook ander NG Gemeentes in die Ring finansieel ondersteun.
4. Die voormalige Finkom het die Kerkraad, voor elke vergadering volledig van alle finansiële state voorsien. Die Kerkraad se kommissies funksioneer volgens bepaalde regselemente wat deur die Kerkraad goedgekeur is. Daar is van die ander kommissies wat nie daarvolgens saamgestel of funksioneer nie. Tog tree die Kerkraad nie teen diesulkes op nie.
5. Die jaarlikse geouditeerde state het nooit getoon dat die voormalige Finkom van die voorgeskrewe prosedures afgewyk het nie. Die eksterne ouditeure was ook altyd tevrede met die voormalige Finkom se bestuur van die Gemeente se finansies.
6. Die aanbevelings van die voormalige Finkom aan die Kerkraad was altyd op die Gemeente se finansiële posisie en gesonde beginsels gegrond. Sommige van hierdie aanbevelings is egter deur sommige lede van die Kerkraad as negatief ervaar en omdat hulle "nie van die boodskap gehou het nie, het hulle die boodskapper deur middel van 'n sluipmoord verwyder".
7. Die wyse waarop die Kerkraad die
Finkom ontbind het, is onaanvaarbaar. Desondanks herhaalde versoeke en uitnodigings tot gesprekvoering het dit nie plaasgevind nie. Geen poging tot versoening, wat tog die Christelike weg is, is deur die Kerkraad of die leraars gevolg nie. As gevolg hiervan is interpersoonlike verhoudings en die Koninkrykswerk in ons Gemeente skade berokken.
8. Na die Finkom se ontbinding op 27 Maart het die voormalige lede van die Finkom herhaalde versoeke vir gesprekvoering tot die Kerkraad gerig en hul selfs tot meerdere kerkliggame, oudleraars en simpatieke lidmate gewend. Christelike beginsels is eenvoudig oorboord gegooi.
9. Die rede waarom die Kerkraad nie verder met die voormalige Finkom in gesprek wil tree nie, kan tweeledig wees. Eerstens het hulle nie bevredigende antwoorde op alle vrae nie.
Tweedens is hulle bevrees dat sekere aangeleenthede, soos byvoorbeeld belangebotsings en die wyse waarop die gemeente finansieel bestuur word, daardeur