Geskenke, plastieseware en meer
GRAAFF-REINET — Graaff-reinet het ‘n besonderse winkel ryker geword met die opening van ‘Cube’ in Kerkstraat die pas afgelope Vrydagoggend, 1 Desember.
Hierdie interessante winkel met sy groot verskeidenheid produkte bied ‘n reeks items vir alle ouderdomme. Genoeg spasie tussen die winkelrakke vergemaklik besigting van die items te koop en met hul kwaliteit produkte, sal hulle alle kopers beslis weer lok! In ‘Cube’ is daar allerlei items op die rakke, van skoonmaakmiddels, huishoudelikeware, plastieseware, strandspeelgoed, tot ‘n groot reeks verpakkingsmateriaal en ‘n verskeidenheid geskenke.
Dié geriefswinkel is beslis jou eenstop verskaffer vir plastieseware en verpakkingsmateriaal en is daar selfs meer op aanvraag beskikbaar, gesels maar net met die hulpvaardige personeel oor jou benodighede of om meer uit te vind oor die volledige produkreekse beskikbaar. Hierdie winkel is beslis nie alledaags nie gaan maak gerus ‘n draai en neem maar genoeg kontant saam... Cube se besigheidsure is Maandae tot Vrydae van 08:00 tot 17:00 en Saterdae van 08:00 tot 13:00. Skakel die winkel by 049 891 0022 om meer uit te vind. In ‘Cube’ is daar allerlei items op die rakke, van plastiesehouers, - glase en -kombuistoebehore tot verpakkingsmateriaal en speelgoed. Pijanka Cronje van Carmon Bakkery in Graaff-reinet het dié treffende koek gebak ter viering van die opening van ‘Cube’. 'n Volledige reeks verpakkingsmateriaal is beskikbaar - bestellings kan ook geplaas word. Adele Cronje (voor), bestuurder van ‘Cube’ in Graaff-reinet saam met die res van dié winkel se bekwame personeel: Mariza Begrie, Heleen van der Merwe en Amanda Theron.