Vlv-lede beoordeel Kamdebo se kuns
ABERDEEN — Neil Pienaar, onderwyser by Kamdebo Primêr in Aberdeen, het onlangs die plaaslike Vlv-tak genader om leerlinge se kunswerke te beoordeel.
Die beoordeling is gedoen deur lede Estelle van Wyk, ‘n afgetrede kunsonderwyseres en Annalie Lategan wat self baie kunstig is.
Leerders van Graad 4 tot 7 het potloodsketse gedoen in drie temas, by name wilde weste, natuurtoneel en ope afdeling.
Die wenner in elke graad het ‘n R100 kontantprys gekry wat tydens die jaarlike prysuitdeling by die skool oorhandig is. Kamdebo Primêr se kunswenners vir elke graad: Zina May, Nathan Maupley, Christiano Koopman en Maurizio de Jager by trotse onderwyser Niel Pienaar. Afwesig: Daneal Douglas