Bekende nutsman vier 70ste verjaarsdag

COLESBERG — Frans Etsebeth, afgetrede nutsman van Colesberg, het verlede week 70-jaar-oud geword.

Hy was bederf met ‘n heerlike kuier van al hul kinders en sewe kleinkinders. Frans is in Hopetown gebore en het in De Aar skoolgegaan. Na skool het hy onder andere by die SA Spoorweë (Norvalspont) asook Federated Timbers gewerk. Hy is intussen met Martie Etsebeth (néé Jacobs) getroud. In 1974 het hy by Eskom in Colesberg begin werk.

Hy tree in 1998 af en vestig hom in Colesberg. Hy is bekend vir sy liefde vir die bou van veral staanhorlosies.

Die gemeenskap wil hiermee hul gelukwensing aan hom oordra en net die beste vir die toekoms toewens.