Debutantebal in die Burgersentrum aangebied
COLESBERG — Saterdagaand was die Debutantebal vir 2017 tydens ‘n puik geleentheid in die Burgersentrum aangebied. Dit was veral onder die Graad R-leerders waar die opgewondenheid breekpunt bereik het. Die geleentheid word aangebied vir fondsinsameling vir Lowryville Intermediêre Skool. Danse soos die “Cha-cha”, Wals en die “Jive” was die fokuspunte tydens hierdie geleentheid. Elf danspaartjies, wat Graad R leerders insluit, het aan die kompetisie deelgeneem. Alhoewel hierdie ‘n kompetisie is, het dit ook voordele, dat veral die jeug binne gemeenkappe besig gehou word terwyl dit ook hul dissipline vaardighede positief beinvloed. Geleentheid was aan die einde ook aan die ouers verleen om met die debutante te dans. Dankie aan al die afrigters wat betrokke was asook die ondersteuning tydens die aand. Deelnemers aan die jaarlikse Debutantebal in die Burgersentrum te Colesberg.