Murraysburg Sybokhaarkwekersvereniging verkies nuwe bestuur
Bestuur van Murraysburg Sybokhaarkwekersvereninging, 2018: Carel van der Merwe, Berno Theron, Philippie Retief (hulpsekretaris), Phil de Klerk (wenner van 2017 Kuddekompetisie), Frans Retief (voorsitter), Francis Kingwill (sekretaresse), Theronnie van der Merwe en Kosie van Schalkwyk (ondervoorsitter). MURRAYSBURG — Die Murraysburg Sybokhaarkwekersvereniging (SKV) het hul jaarvergadering einde 2017 te Grootplaas gehou.
Die vergadering is op paslike wyse deur Theronnie van der Merwe geopen.
Kosie van Schalkwyk (ondervoorsitter: Murraysburg SKV) spreek die vereninging se meegevoel uit aan die Retief-familie met die afsterwe van Louw Retief en die Reynoldsfamilie met die afsterwe van Percy Reynolds.
Hy wens ook vir Frans Retief geluk met die Miyuki Kampioen Winterskeersel vir 2016 en Philippie Retief wat die OVK/CMW toekenning vir die hoogste gemiddelde prys, vir sy Somerskeersel 2017, ontvang het.
Die sprekers by die vergadering was Dr Roland Larson ('n veearts van Graaff-reinet), Wallie Weeks (hoofbestuurder: CMW), Henfred Linde (bestuurder: SASKV), Deon Saayman (besturende direkteur: SSA) en Anle Marais (bemarker: SSA)
Die nuwe bestuur vir 2018 is ook verkies, naamlik Frans Retief as voorsitter, Kosie van Schalkwyk as ondervoorsitter, Francis Kingwill as sekretaresse en Philippie Retief as hulpsekretaris. Die addisionele lede is, Theronnie van der Merwe, Berno Theron en Carel van der Merwe.
Daar was weer verskeie kompetisies waaraan boere kon deelneem.
Die boere het kans gekry om bokhaarmonsters te tipeer en die mikrons daarvan te skat. Vir die tipering was, Mia Theron eerste en met die mikronskatting Ronnilie van der Walt.
Met die plasing van die ramme was daar verskeie boere in die kol.
Vir die plaaswerkers was Ashwin eerste met die plasing van die ooie.
Daar was ook ‘n ram waarvan die gewig geskat moes word.
Hier was Philippie Retief en Monica Theron die enigstes wat korrek was.
Die kuddekompitisie het ten spyte van erge droogte steeds goeie belangstelling gehad.
Behalwe vir die wisseltrofees is daar ook pryse deur CMW, BKB en SSA geborg.
Hierdie trofees en pryse is deur Anle Marais (SSA) en Frans Retief, aan die wenners oorhandig.
Die beste ooitjie in die versorgde afdeling is deur Archie Vorster en in die onversorgde afdeling deur Phil de Klerk, ingeskryf en die tweede beste ooitjie, in die versorgde afdeling deur Johny en in die onversorgde afdeling deur Phil de Klerk.
Die beste groep ooitjies in die versorgde afdeling is deur Archie Vorster ingeskryf en in die onversorgde afdeling, Phil de Klerk.
Na ‘n leersame dag is daar’n heerlike ete voorgesit deur die vrouens van die bestuur en tot laat gekuier met musiek deur Murrraysburg se eie plaaslike talent, Trompie. Die Murraysburg Sybokhaarkwekersvereniging is groot dank verskuldig aan John Butterworth en sy eggenote vir die beskikbaarstelling van hul plaas.