Nuwe leerkrag welkom geheet

GRAAFF-REINET — Die nuwe jaar het ’n nuwe onderwyser vir die Asherville Sekondêre Skool ingehou. Cay-marc Green het sopas ingeskakel as ‘n nuwe leerkrag by dié skool. Nadat hy sy skoolloopbaan by Union High School voltooi het, het hy sy studies aan die Nelson Mandela Universiteit in Port-elizabeth voortgesit en ‘n B Ed (FET) met spesialisering in Wiskundige Geletterdheid en Besigheidstudies in 2017 verwerf. Green is ‘n kranige sportman en die skool se bestuur glo dat hy beslis ‘n aanwins vir dié professie sal wees. “Ek voel baie positief oor dié nuwe werk en sien uit daarna om deel van die Asherville Sekondêr-familie te word,” het Green oor sy aanstelling gesê.