Stormers, Lions en Sharks onder vergrootglas
Vroeë tekens van ‘n beduidende verbetering behoort sigbaar te wees wanneer drie van Suid-afrika se vier Superrugbyspanne dié naweek in die eerste twee wedstryde van die seisoen speel.
Sowel die kragmeting tussen die Stormers en die Argentynse Jaguares as die verwagte worsteling tussen die Lions en die Sharks word regstreeks op televisie uitgesaai.
Talle kykers haal hulle met ewe veel geesdrif oor vir die laaste eendagstryd en die eerste van drie T20-bepalings tussen Suid-afrika en Indië se krieketspanne.
Daarby dra die asemrowende aksie by die Olimpiese Winterspele in Suid-korea en Roger Federer se deelname aan die Rotterdamse ope tennistoernooi ryklik tot sportkykers se genot by.