Kerssangdiens dié Sondag

Die jaarlikse Kerssangdiens van die NG Graaff-reinet gemeente word dié eerskomende Sondagaand, 18 November, aangebied.

Die diens begin om 18:00 vir 18:30. Alle lidmate, oudlidmate, besoekers en belangstellendes is welkom om dit by te woon.

Tydens die geleentheid sal die gemeente heerlik saamsing aan geliefde Kersliedere met Dr Ben van Tonder wat die Kersboodskap sal oordra. Toegang is gratis, maar ‘n vrywillige kollekte sal wel opgeneem word. Skakel die kerkkantoor by 049 892 2422 vir meer besonderhede.

• Op Sondag, 25 November, gaan die span van NG Graaff-reinet dan na Aberdeen waar hul dieselfde program om 18:30 die aand daar sal aanbied.

Moet dit nie misloop nie!