Plaaslike talent op die kassie

‘n Bekende van Murraysburg, Jan-hendrik Swiegers, het verlede Vrydagoggend, 9 November, op Die GROOT Ontbyt op kyknet verskyn. Die GROOT Ontbyt is GROOTFM 90.5 se gewilde ontbytprogram wat elke weeksoggend regstreeks vanaf 05:30 tot 08:30 uitgesaai word. Wat hierdie radioprogram uniek maak is dat dit ook van 06:00 tot 08:00 op kyknet (Dstv kanaal 144) uitgesaai word - ’n hibried-konsep tussen radio en televisie. Tans ‘n inwoner van die Paarl, is Jan-hendrik oorspronklik afkomstig van Murraysburg waar hy sy kinderjare spandeer het - die seun van Estelle en wyle Gert Swiegers. Jan-hendrik het dié jaar opslae gemaak met ‘n lied oor sy grootword dorp, genaamd ‘Murraysburg’, wat hy self geskryf en gekomponeer het. Tydens ‘n onderhoud gevoer deur Die GROOT Ontbyt se Rouchelle Liedemann het hy ‘n beidjie hieroor uitgebrei. Op die foto verskyn Rouchelle Liedemann saam met Jan-hendrik Swiegers.