Tweekamp, ’n sport vir die ganse gesin
Saterdagoggend het OP Tweekamp 'n uitblinker ligageleentheid in Graaff-reinet aangebied.
Dit was die eerste keer dat uitdunne vir dié sportsoort plaaslike aangebied word, en hoop die organiseerders om dit 'n jaarlikse instelling op die dorp te maak. Tientalle atlete van die Karoo, dit wil sê van skole soos Marlow, Gill, Cradock, Union en Volkskool, het opgedaag om híér te probeer kwalifiseer vir die Op-span. Van 8-jariges tot volwassenes het aan die uitdunne deelgeneem en het veral die plaaslike atlete uitgeblink op die dag.
Tweekamp is 'n unieke en onafhanklike vorm van sport waar atlete meeding in hardloopen swemitems ten einde hulle veelsydigheid te meet aan die hand van voorafopgestelde puntetabelle wat gebaseer is op die tye wat hulle behaal.
Die sport bied geweldig baie vir elke deelnemer en aangesien deelname nie ouderdomgebonde is nie, kan die hele gesin daarby betrokke raak – daar is deelnemers van tot 80 jaar oud wat hieraan deelneem.
Saterdag se byeenkoms is by Hoër Volkskool se atletiekbaan en swembad aangebied en alhoewel dit effe warm was, het aangename weersomstandighede en 'n gesellige atmosfeer die deelnemers begroet.
Saam met Hoër Volkskool het plaaslike besighede Superquick en die Obesa-kwekery as borge ingetree vir die geleentheid en is die organiseerders baie dankbaar vir hulle ondersteuning.
Onder die atlete van Graaff-reinet wat deelgeneem het, het die volgende eerste plekke behaal:
Mia Botha O.9 dogters (Volkskool)
Aiden Thiart O.11 seuns (Volkskool)
Tyra Binney O.13 dogters (Union) Marlien Crewe-brown O.15 dogters (Volkskool)
Llewellyn Crewe-brown O.17 seuns (Volkskool)
Owen Thiart O.19 seuns (Volkskool)
René Oosthuizen (senior veterane) Retia Oosthuizen (atlete met beperking/spesiale behoeftes) Llewellyn Crewe-brown is as die top mans atleet vir die dag aangewys met die meeste punte aangeteken deur 'n individu. 'n Nuwe inisiatief, 'n pret aflos, wat aan die einde van die byeenkoms aangebied is, is goed ondersteun deur al die deelnemers. Die oggend is terdeë geniet deur almal wat dit bygewoon het en is almal dit eens dat die aanbied van só 'n geleentheid op plaaslike bodem definiteif sal bydra tot die ontwikkeling van dié sportsoort. Diegene wat meer wil uitvind, is welkom om Geoff Crewe-brown te skakel by 082 873 3000.