Kies koers na Nieubethesda dié naweek
Nieu-bethesda — Die Nggemeente herdenk hierdie naweek, van 23 tot 25 November, hul 140ste bestaansjaar.
Dit is ‘n besonderse herdenking en die gemeente is dankbaar dat hulle vir die afgelope 140 jaar die Boodskap kon verkondig, en wil dit op ‘n feestilike wyse vier.
Vrydag, 23 November, vanaf 18:00 skop die fees af met ‘n dans en opskop by die Sportklub, Nieu-bethesda. Toegang is R50 per person, daar is worsrolle te koop en ‘n volledige kroeg beskikbaar.
Saterdag, 24 November, is daar twee veldwedlope, onderskeidelik 12km en 21km, asook ‘n 5km-pretwedloop en ‘n 21km-bergfietsroete.
Vir die veldwedlope is inskrywings gratis of ‘n donasie kan gegee word. Registrasie vind plaas tussen 05:30 en 06:00 by die kerk.
Deelnemers word dan vervoer na die wegspringplek.
Die wegspringtyd vir die pretloop is 07:45 ook by die kerk. Die bergfietsroete is ook gratis of ‘n donasie kan gegee word. Wegspring vind om 07:30 plaas by die kerk. Voldoende waterpunte sal op al die roetes beskikbaar wees.
Alle deelnemers neem deel op eie risiko en geen lisensie word benodig om deel te neem nie. Worsrolle en roosterkoek sal te koop wees.
By die kerk sal daar ook Saterdag ‘n teetuin met eeten-drinkgoed gehou word en ‘n kranslegging sal by die begraafplaas om 11:45 plaasvind.
Vanaf 11:30 sal daar ‘n heerlike potjiekoskompetisie plaasvind wat as ‘a fondsinsamelingsprojek vir die gemeente sal dien.
Sondag vanaf 08:30 sal daar ‘n Feesdiens net Nagmaal en ‘n orreluitvoering by die pragtige kerk plaasvind.
Die naweek beloof om besonders te wees.
Whatsapp Pierre Fourie by 083 233 6085 of Elizna Fourie by 083 651 1391 vir enige ander inligting.