Sportscentre in George ’n sportparadys
Die immer gewilde en diverse sportwinkel Sportscentre groei van krag tot krag. Sportscentre het sy eerste treë in 2010 in George gegee. Die maatskappy beskik deesdae oor vyf winkels in die Suid-kaap, sowel as 'n aanlynwinkel, wat 'n heerlike gerief bied vir diegene wat tuisaflewering verkies. Landswye aflewering van die produkte is gratis, vir produkte ter waarde van R500 en meer. Tydens 'n besoek aan een van Sportscentre se takke, kan klante kies vanuit 'n verskeidenheid van algemene sporttoerusting, sportskoene, hengeltoerusting, sportklere, Kayake asook ander watersporttoerusting.
Die winkels is spesifiek toegerus om aan alle hengel en sportbehoeftes onder een dak te voorsien.
In die Nuwejaar open Sportscentre 'n splinternuwe tak in Kaapstad, met planne vir verdere groei in die toekoms. Die eienaars, André en Deon Coetzer, is baie opgewonde oor hierdie vooruitsig. "Ons wil graag uitbrei na ander areas in die Wes-kaap," het André Coetzer gesê. Die maatskappy verskaf sporttoerusting aan 'n wye mark, insluitend leerders, groothandelaars en professionele sportlui.
Klante wat Sportscentre-takke besoek kan elke eerste Maandag van die maand uitsien na afslag op feitlik alle items, terwyl die eerste Vrydag in die maand spesiale afslag aan aanlynklante bied. Die Sportscentre-tak by die Eden Meander Lifestyle Centre beskik deesdae oor beide 'n sport- en hengelwinkel. Hierdie twee winkels is regoor mekaar in die winkelsentrum. Met hierdie spesialiswinkel vir hengelaars bied Sportscentre 'n unieke ervaring vir vissermanne.