Tuisveld plaas ekstra druk op Blitsbokke
Die verwagtinge waarmee die Blitsbokke se ondersteuners dié naweek by die sewesrugby in Kaapstad gaan opdaag, kan die Suid-afrikaners se tuisveldvoordeel tot niet maak.
Ná die teleurstellende vertonings verlede naweek in Dubai is die SA span onder druk. En die wete dat elke wedstryd van die internasionale toernooi óók regstreeks op televisie uitgesaai word, maak dit nie makliker nie. Saterdag se laaste wedstryd sal pas klaar wees, dan begin die regstreekse uitsending van die boks in Kempton Park, waar Tommy Oosthuizen en Thabiso Mchunu mekaar se ore gaan probeer afslaan.