Binnekort ‘n virtuele toer deur Oudtshoorn
MapYourTown is 'n inisiatief om met Google Street View die strate en omgewing van Oudtshoorn digitaal te karteer om toerisme in die omgewing te bevorder. Toeriste-aantreklikhede, stapen fietsroetes en plaaslike ondernemings kan dan op 'n virtuele toer besigtig word.
Dit stel die publiek en toeriste in staat om uit die gerief van hulle sitkamers vooraf besigtiging te doen voordat besprekings gemaak word.
Die proses het hierdie maand begin en Du Plessis Motors het 'n voertuig beskikbaar gestel wat vir die doel gebruik kan word.