Nuwe toerusting vir rampbestuur
Oudtshoorn-rampbestuur het onlangs splinternuwe toerusting en 'n 4x4-bakkie gekry om dienslewering in die streek te verbeter.
Volgens Ntobeko Mangqwengqwe, woordvoerder van die Oudtshoornmunisipaliteit, het Oudtshoorn-rampbestuur onlangs 'n toelaag van die Wes-Kaapse brand-, reddings- en rampbestuur ontvang wat die aankoop van die bakkie en die toerusting, wat brandslange, radio's, padkegels en 'n kettingsaag insluit, moontlik gemaak het.
Adel Supra-Vertue, bestuurder van Oudtshoorn-brandweer, sê die nuwe voertuig en toerusting sal hulle definitief help om beter dienste in die Groter Oudtshoorndistrik te lewer.
Raadslid Johan Fourie, voorsitter van gemeenskapsdienste het die bakkie by Marlu Rust, verteenwoordiger van die Wes-Kaapse brand-, reddings- en rampbestuur ontvang en sy dank aan die provinsiale regering uitgespreek.