R50 000 se dwelms gekry
houtwerkkamer. Die plakpapier in die huis het hy self ontwerp en in Londen laat maak. Jy hoor ook dat Arbeidsgenot die eerste huis in Oudtshoorn was met ’n elektriese stoof en spoeltoilet. Sy gunsteling tikmasjien en die lessenaar waar hy Die Stem geskryf het, is in die huis. Die koppie waarin hy van sy laaste koffie gedrink het voor hy dood is, staan ook op dié lessenaar. In sy kamer is daar ook sy werkshoekie, want hy het blykbaar min geslaap.”
LADISMITH - ‘n 60-jarige man het in die Ladismith-landdroshof verskyn na hy die afgelope naweek met dwelms met ‘n straatwaarde van R50 000 in sy besit gevind is.
Volgens sers. Chris Spies, Suid-Kaapse polisiewoordvoerder, het lede verbonde aan die Ladismith-polisie, ‘n voertuig in Suidstraat, Ladismith, deursoek.
“’n Taxi, wat van Kaapstad na Oudtshoorn onderweg was, is gestop. Die voertuig is deursoek en die polisie het 1 010 Mandraxtablette by een van die passasiers gevind. Die persoon is vir handel in dwelms in hegtenis geneem.”
Volgens Spies dui ’n voorlopige ondersoek daarop dat die dwelms vir Oudtshoorn bestem was. In ‘n onverwante voorval het lede van die Uniondale-polisie, Donderdag ook ‘n huis in Lyonville, Uniondale deursoek. “Hulle het op klein hoeveelhede tik, dagga en kontant beslag gelê. ‘n 29-jarige man is op aanklag van handel in dwelms in hegtenis geneem.”
Waarnemende Eden-gebiedsbevelvoerder, brig. Phumzile Cetyana, het lede vir die arrestasies geloof en hulle bedank vir hulle moeite om dwelms uit die gemeenskappe te hou.