Mediclinic sit kleuterskool se dak op
OUDTSHOORN - Onderwysers en kinders van Nomondé-kleuterskool het verlede week behoorlik gejuig toe Mediclinic Klein Karoo in samewerking met NG kerk Oudtshoorn-Wes en die plaaslike gemeenskap, 'n spik-splinternuwe dak by die skool opgerig het. Dit volg na Mediclinic Klein Karoo se personeel op Mandeladag ingespring en die speelterrein van dié kleuterskool geverf en opgeknap het.
Hannes Stegmann, hospitaalbestuurder van Mediclinic Klein Karoo het besef dat die dak en elektriese bedrading van die skool nie op standaard was nie en dat die skool nie kwalifiseer vir finansiering van die staat nie. Mediclinic het voorgeneem om die dakke te herstel en hul eie elektrisiën te gebruik om die elektriese bedrading op standaard te bring. Die gemeenskapsprojek wat deur Mediclinic Klein Karoo gedryf word sal help dat die skool die nodige hulp van die staat ontvang wat hulle nodig het om finansieel na die kinders om te sien.