Eiendomsbeveiliging ‘n moet na toename in misdaad
PROMOSIE-ARTIKEL
‘n Eens rustige vakansiedorp word nou bedreig met misdaadsyfers wat in die afgelope drie jaar so toegeneem het in Mosselbaai asook in die Tuinroete as geheel, dat ‘n mens jouself nie meer kan bluf nie. Jou huis is nie meer jou veilige hawe nie en jou besigheid is nie meer veilig sodra jy die deur agter jou toesluit nie. Huiseienaars, huurders, verhuurders en besighede kan nie meer bekostig om nie hulle eiendomme te beveilig nie. ‘n Onbeveiligde huis of besigheid word gesien as ‘n maklike teiken deur kriminele.
Xpanda PRO Garden Route, onder leiding van Hein Slabbert, het onlangs hulle deure tot hulle nuwe winkel in Marshstraat 60B, Mosselbaai oopgemaak. Xpanda sekuriteitshekke is lankal nie meer net ‘n doen-dit-self sekuriteitshek of diefwering wat by ‘n groothandelaar gekoop kan word nie. Nee, die Xpanda groep het nou ‘n baie sterk PRO reeks spesiale pasgemaakte sekuriteitshekke, diefwering, roldeure, luike (ook genoem vensters of deure shutters), deurskynende diefwering ens. wat presies volgens spesifikasies gemaak word vir die meeste openinge, deure en vensters. Jy hoef nie meer te wonder watter sekuriteitshek gaan waar werk nie, en jy hoef nie meer te meet en te pas, te boor en te installeer nie want ons professionele span doen alles vir jou.
Niemand wil in die middel van die nag met ‘n vreesaanjaende geluid wakker word met iemand wat jou venster stukkend breek, of erger, ‘n groep misdadigers wat jou onverwags oorrompel in die nag, en dit in jou eie huis nie. Ons help jou om jou geliefdes en waardevolle besittings te beskerm.
Om ‘n kwotasie te kry gaan jou niks kos nie, maar om net jou kop in die sand te druk mag dalk jou lewe kos.