Praktiese Damesdag
HOFMEYR - 'n Praktiese damesdag sal op 8 Oktober vanaf 09:00 tot 15:00 by Alfred House, Dundasstraat 40 in Cradock aangebied word.
"Ons is besig om ons vere reg te skud," vertel Lani Lombard, gasvrou by Alfred House. Sy vertel verder dat Isabel Wilken van Somerset-Oos, hulle genader het om die huis oop te stel vir 'n groot groep vroue wat graag praktiese demonstrasies wil bywoon in sorbello handborduur, hekel, mosaïek en papier-maché.
Volgens Lombard sal daar ook inkopiesakke uit ou dasse, sementplanthouers met behulp van ballonne en kranse uit ou denims gemaak word asook 'n praktiese dot paint-demonstrasie. Elke gas sal 'n sakboekie met dié tipe versiering huis toe neem.
Kontak Isabel Wilken by 072 765
7709 om jou plek voor 30 September te bespreek. Kostes is R200 p/p en sluit 'n oggendtee met eetgoed asook 'n ligte middagete in.