‘n Vloer vir elke voet
Met 'n verskeidenheid van vloerprodukte bied LM Wooden Floors & Décor produkte van uitstekende gehalte aan en dit is alles beskikbaar hier in Mosselbaai as 'n een-stop oplossing vir al jou vloerbedekking-behoeftes.
Met 'n wye verskeidenheid van ingevoerde produkte bied hulle ook topgehalte produkte van groot name in die vloerbedekkingsbedryf aan. Die meeste van die produkte word hoofsaaklik van Italië, Portugal, Spanje en België ingevoer.
Produkte soos houtvloere, gelamineerde vloere, viniel vloerbedekkings, matte, mosaïeken porselein-teëls is teen bekostigbare pryse beskikbaar en word verskaf met 'n waarborg van 25 jaar.
As vennoot van die besturende direkteur Le Roi Smit, is Melanie van Aswegen ook ‘n praktiserende prokureur en aan die stuur van sake by LM Wooden Floors & Décor in Mosselbaai. Vir Smit het die besigheid begin as 'n droom wat in samewerking met kundiges op die gebied en met die ondersteuning van leiers in die vloerbedekkings- en dekor-besigheid 'n werklikheid geword het.
Le Roi Smit stel dit soos volg: "Ons het klein begin maar met 17 jaar ondervinding in dié bedryf, bied ons aan ons kliënte net die beste tegniese advies en ondersteuning, Ons is trots daarop dat ons die beste is in wat ons doen en ons maak seker dat LM Wooden Floors and Décor uitstekende diens lewer en kwaliteitprodukte aan ons kliënte verskaf."
Jou huis, kantoor of vertoonlokaal is LM Wooden Floors & Décor se prioriteit. Deur goed na jou vloerbehoeftes te luister, sal hulle met hul uitstekende kennis van die produkte asook 'n moontlike kombinasie van die produkte wat hulle aanbied, jou net die beste leiding kan gee. Verder verseker hulle ook bystand in binnenshuise versiering en afwerking sodat elke kliënt se tevredenheid gewaarborg word. Met dit alles bied hulle ook kompeterende pryse en tydige aflewerings aan hul kliënte.
LM Wooden Floors & Décor is 'n maatskappy wat passievol is oor gemeenskapsontwikkeling. Tydens hulle amptelike opening gaan die wenners van die 2022 Warrior Woman aangewys word deur die SACBW Mossel Bay Care Center. Die opening vind op Saterdag, 8 Oktober vanaf 09:00 tot 12:00 by 17 Bally singel (langs STAT Stationers en Lumen Ligte) plaas. "Die publiek is welkom om die opening saam met ons vier," nooi Melanie en sê Le Roi. Heerlike worsrolletjies sal teen R20 elk te koop aangebied word.