Karoo Health Care-sentrum
‘n Gesamentlike droom om ‘n praktyk in Graaff-Reinet te open waar diverse mediese dienste aangebied word, sal op 8 Januarie volgende jaar realiseer.
‘n Gevestigde fisioterapeut, Adri Mentz en haar dogter, dr. Dyanti Mentz deel al lank ‘n droom, om ‘n gesamentlike praktyk te open. Dr. Lindi Kruger, onbewus van hierdie droom, het ook ‘n soortgelyke visie vir die gemeenskap beoog.
Met die verloop van tyd het hulle die visie-legkaart voltooi en is Karoo Health Care Center gebore. Hierdie dinamiese span het een doel voor oë - alomvattende mediese dienste onder een dak!
Dr. Dyanti Mentz - mediese dokter
Sy het in 2019 as mediese dokter aan die Universiteit van die Vrystaat gekwalifiseer en voltooi haar internskap in Gqeberha. In 2020 besluit sy om haar gemeenskapsdiensjaar by Midlandhospitaal te dien omdat haar ouers in Graaff-Reinet woonagtig is. Dyanti het ook reeds die volgende kursusse voltooi om die diens by die nuwe sentrum uit te brei: Basic Life Support, Advanced Cardiac
Life Support, Paediatric Advanced Life Support, Advanced Trauma Life Support, Management of a small sick neonate, Basic Ultrasound skills, Basic Toxin, and filler course (Medskills).
Dr. Lindi Kruger - Mediese dokter
Lindi het in 2020 as mediese dokter aan die Universiteit van Pretoria gekwalifiseer nadat sy in 2014 haar BA-graad in kliniese mediese praktisyn voltooi en haar internskap by Steve Biko Akademiesehospitaal in Pretoria voltooi het.
In 2023 sluit sy by Midland-hospitaal aan vir haar gemeenskapsjaar. Sy vertel dat die Karoo-dorpie en sy mense diep in haar hart ingekruip het en haar intensies as “besoeker” geleidelik omgeswaai het na planne om as permanente inwoner aan te bly. Lindi se deurlopende professionele ontwikkeling sluit in: Basic Life Support, Advanced Cardiac Life Support,
Paediatric Advanced Life Support (PALS), International Trauma Life Support, Essential Steps in the Management of Obstetric Emergencies.
Dr. Adri Mentz - Fisioterapeut
Dr. Adri Mentz praktiseer al vir die afgelope ses jaar in Graaff-Reinet en het ‘n gevestigde pasiëntbasis opgebou waar sy by Alchemy gepraktiseer het. Sy het haar graad aan die Universiteit van Stellenbosch in 1991 voltooi. Sy spesialiseer in kroniese pyn, rugpyn, nek- en rugkondisies. Adri sal van 8 Januarie volgende jaar, van haar nuwe praktyk op die hoek van Somerseten Plasketstraat, praktiseer waar sy saam met dr. Dyanti Mentz en dr. Lindi Kruger gaan praktiseer.
Kontak gerus die dinamiese span vir meer besonderhede: 067 716 6641.