KKNK-program bied medisyne vir die siel
Die 28ste KKNK, geborg deur Absa, is om die draai en word vanaf Saterdag 23 tot Sondag 31 Maart in Oudtshoorn aangebied en bied voorwaar ’n kuur vir elke kwaal.
"Dié fees word in die Maartvakansie aangebied en eindig oor Paasnaweek. Dis ’n wegbreekkans vir die hele gesin met ’n program vir elkeen se smaak. Behalwe vir uitstaande drama, komedie, dans en visuele kuns, is daar ook leefstylervarings en gespreksreekse wat sorg vir heerlike kuier en polemiek. Die fees bied hope gratis en goedkoop vermaak, nie net in meer formele venues nie, maar ook in die strate van Oudtshoorn. Dis jou gesondheidskliniek vir algehele welstand!” Só sê Hugo Theart, uitvoerende hoof en artistieke direkteur van die KKNK.
Die program is Woensdag 24 Januarie tydens ’n geselligheid by Leopard’s Leap in Franschhoek bekendgestel. Kabous Meiring en Dean John Smith was aan stuur van sake, met uittreksels uit twee van dié fees se teaterhoogtepunte.
Debute
Jana Cilliers deel in die drama Veelhoek,
een van 27 feesdebute op die program,die verhoog met Ludwig Binge, onder regie van Marthinus Basson. Cilliers het ook die teks geskryf. Sandra Prinsloo en David Viviers is te sien in Henque Heymans se satire Op die hoek van Styx en River is Nora per abuis met die dood oorgeslaan. Prinsloo speel ook die hoofrol as Maria Callas in die bekroonde produksie van Terrence McNally se Master Class. Antoinette Kellermann en André Roothman is op die verhoog in Die stoele,
’n klassieke tragi-klug deur Eugène Ionesco, met regie, ontwerp en vertaling deur Basson.
Ander debute op die toneelprogram sluit in: Bloedbande, ’n storie uit en oor Namakwaland met Lyntjie Jaars, Die begrafnisrede, ’n komedie met Wynand van Vollenstee; Lizz Meiring se komedie Die Van Vuurens vat vlam met Meiring, Cara Meiring en David Kuduntwane; Eg Kaaps: Salaamstories met Ashraf Johaardien, Cheraé Halley en Yohin Sullapeh; David Viviers en Wessel Pretorius deel die verhoog in die komedie, ’n Lewe in die dag van ’n vrugtevlieg, ensomeer: Die ongewerwelde-trilogie;
Monika, it’s me is ’n drama deur Klara van Wyk en Jenine Collocott, met Van Wyk op die verhoog; Kevin Smith, Reginald Hufkie en Donovan Pietersen is te sien in die drama
Op die kruin van Shôdeville, onder regie van Herschelle Benjamin; Ouma is op pad met Margit Meyer-Rödenbeck en Coenraad
Rall (klavier) en Des-Lee McKenzie se satire
Vleis/Meat is ook te sien.
Komedie
Stand-up kry in 2024 ’n tuiste by die fees, met Kekkelkliniek wat ’n hoogtepunte uit dié aanbod is. In hierdie skaterlagvertoning is onder andere Alfred Adriaan, Stuart Taylor, Conrad Koch en Lindy Johnson op die verhoog. Komediante wat in solo-optredes te sien is, sluit in Ambrose Uren, Koch (en sy poppe), Dalin Oliver, KG Mokgadi, Mel die Storieverteller, Rob van Vuuren, Taylor, Yasseen Barnes, asook Johnson en Kate Pinchuck wat saam op die verhoog is. Ander gewilde satires sluit in Marianne Thamm se Vuisvoos, maar nog regop: Suid-Afrika 2024 en Mike van Graan se My Fellow South Africans, waarvoor Kim Blanché Adonis vir haar spel bekroon is met die Woordtrofee vir beste prestasie in ’n solovertoning by die Toyota US Woordfees in 2023.
Jeug- en familieteater
Die KKNK is ’n familiefees en die feesaanbod sluit ’n uitgebreide verskeidenheid van jeug- en familieteater in. Ken jy vir Dewie? is ’n interaktiewe teaterervaring met regie deur Margit Meyer-Rödenbeck en teks deur Ilne Fourie, met onder meer Crystal Donna Roberts en Robert Hindley.
Braam en die engel is ’n multidissiplinêre en bekroonde drama vir die hele gesin met Joanie Combrink, De Klerk Oelofse, Rehane Abrahams, Marelize Viljoen, Timothy Isaacs en Shaun Oelf – in dié magiese verwerking van Marietjie de Jongh se gelyknamige jeugboek, met regie deur Nico Scheepers. Familievermaak het ’n nuwe tuiste by die Feesmark, waar ure se vermaak in die Klein KKNK-teater op kinders en ouers wag.
Dié aanbod sluit onder andere Die rooi ballon met Craig Morris (wenner van ’n Silwer Ovation-prys by die Nasionale Kunstefees in 2023) en Casey Sewbaran in My pad met Webber), Helenè Bester en Jannie Moolman (Nag in die Namib), Jakkie Louw en Charlize Berg (Jakkals en Berg),
RAAF en Tollie Parton (Hoe om oor jouself te kom).
Lucky Pakkie-teater keer terug na
Baron van Reedestraat met kraakvars teaterkonsepte. Die inhoud is – nes die lucky packets van ouds – hoogs geheim. Elke Lucky Pakkie bestaan uit vier vertonings van 15 minute elk.
Feesmark
Op die Feesmark-verhoog, ondersteun deur Huisgenoot, wag hope vermaak deur verskeie gunstelinge waaronder Early B,
Kurt Darren, Juanita du Plessis, Spoegwolf, Elandré, Appel, Francois van Coke, Demi-Lee Moore, Jay, YoungstaCPT, Die Heuwels Fantasties, Karlien van Jaarsveld, Refentse, Die Piesangskille, Busiswa, Bobby van Jaarsveld, Sunset Sweatshop en Dodo Nyoka om maar ’n paar te noem.
Die Feesmark is die hartklop van die fees en hier kan feesgangers vir ure wandel deur dié inkopieparadys se stalletjies. Die KKNKwinkel swaai sy deur oop in ’n nuwe area met meer en mooier aandenkings as in 2023. Smul aan die buffet van kos by die kosstalletjies.
Proe deli-produkte, lekkernye en drinkgoed.
Koel af by die kroeë op die terrein.
Span uit en geniet die aanbod deur die dag en saans in die lugverkoelde Absa Kuierkamer, waaronder insiggewende gesprekke met bekendes. En raak ontslae van daardie laaste bietjie energie by die pretpark.
Checkers bied vanjaar spesiale ervarings in die Feesmark aan, met verskeie verrassings wat op feesgangers wag.
Span uit en geniet die aanbod deur die dag en saans in die lugverkoelde Absa Kuierkamer, waaronder insiggewende gesprekke met bekendes.
Karoo Kaarte
Die KKNK se veelbekroonde en grensverskuiwende multidissiplinêre kunsteprogram Karoo Kaarte betrek in 2024 Oudtshoorniete se stories en bied allerlei ervaringe dwarsdeur die fees en oor die dorp heen aan.
Karoo Kaarte word vanjaar aangebied met die ondersteuning van die Jannie Moutonstigting, ATKV, Het Jan Marais Nasionale Fonds, NATi, Wes-Kaapse Regering en die Oudtshoorn-munisipaliteit.
Meer inligting is beskikbaar op die KKNK se sosiale media, by www.kknk.co.za of kontak 044 203 8600, stuur ’n e-pos na info@kknk.co.za of ’n WhatsApp na 065
285 2337.