Husky-skeerders by SA-kampioenskappe
Alex Lombaard
Drie atlete van Husky’s-skeerdienste uit Aberdeen-distrik het vanjaar gekwalifiseer vir deelname aan die jaarlikse SA nasionale skeer- en wolhanteringskampioenskappe, aangebied op 26 en 27 April tydens die Bloemskou in Bloemfontein. Swannie Heinse en Elrico Smit het as skeerders skouers geskuur met Suid-Afrika se beste skeerders in die masjienskeer-opeafdeling, terwyl Heinrich Meyer in die junior wolhanteringsafdeling sy merk gemaak het.
Chris (Husky) en Carina Esterhuizen, eienaars van Husky’s-skeerdienste, verduidelik dat kompetisie in die ope-afdeling groot en omvattend is: "Dit is die afdeling waarin professionele skeerders wat daagliks skeer, deelneem. Kompetisie in die afdeling is fel, met skeerders uit selfs Lesotho wat deelneem. Beoordeling is streng volgens verskillende aspekte, nie net hoeveelheid nie."
In die afdeling moet meer as 120 skape per dag geskeer word, met gelyke fokus op spoed en kwaliteit. Beide Heinse en Smit het deurgedring tot die halfeindronde, met Heinse wat vandaar in die eindstryd die sesde plek behaal het.
Heinse het ook die sesde plek behaal in die SA’s-afdeling.
Meyer, as wolhanteerder, was in die junior-afdeling een van die gunsteling kompeteerders en het die halfeindstryd gemaklik gehaal. "Dis maar die derde kompetisie ooit waaraan Heinrich deelgeneem het," sê Esterhuizen. Een ongelukkige fout het Meyer ‘n moontlike plek in die eindstryd gekos.
Beide Carina en Husky is toegewyd betrokke in die skeerbedryf en -kompetisie, met meer as 20 jaar ervaring as beoordelaars en Husky wat self ‘n skeerder van formaat is. "Skeer het vir my as ‘n stokperdjie vir sakgeld begin en kort voor lank het dit gegroei tot ‘n besigheid en ek het self vir vyf jaar voltyds geskeer." Husky’sskeerdienste is in hulle elfde jaar van besigheid en trots plaas en plaaslik. "Ek en Carina is beide plaaskinders en Swannie en Riekie het hier op die plaas grootgeword. Heinrich is ook van Aberdeen afkomstig."
Esterhuizen sê hulle oog is nou op voorbereiding vir die 2025-kompetisie wat ‘n baie belangrike jaar gaan wees: "Ons wil vanjaar aan soveel moontlik kompetisies deelneem, want by die 2025 SA’s word die Suid-Afrikaanse span gekies om in 2026 deel te neem in Nieu-Seeland."
“Ek en Carina is beide plaaskinders en Swannie en Riekie het hier op die plaas grootgeword. Heinrich is ook van Aberdeen afkomstig.”
“Dit is ‘n jong organisasie met ‘n stewige fondasie en hoekstene, maar in onseker plattelandse ekonomiese omstandighede moet elke tree vorentoe versigtig beplan word.”
ATA het in 2023 onafhanklike bestaansreg as distriksmunisipaal erkende gemeenskapstoerisme-organisasie verky met raadslid Adriaan van
Heerden aangestel as Sarah Baartmandistriksmunisipale verteenwoordiger.
Die organisasie resorteer onder GraaffReinet-toerisme.
“In ons eerste bestaansjaar was die grootste uitdaging, en ook die grootste mylpaal behaal, die suksesvolle daarstel van ‘n amptelik erkende organisasie met ‘n eie konstitusie, gedragskode en bankrekening, asook voldoening aan die voorgeskrewe munisipale struktuurvereistes,” verduidelik Sterna Thwaites, uittredende voorsitter.
“Dit was ‘n jaar vol uitdagings vir die bestuur, veral omdat al die bestuurslede vrywilligers is met eie voltydse besighede en almal maar tussendeur tyd moes vind om die ‘nuwe baba’ te verwelkom en te versorg. As amptelike organisasie moet daar deurgaans rekord gehou en terugvoer gegee word van alles wat gedoen word.”
Thwaites lig uit dat ATA nie net op sy eie bene begin staan het as munisipaal erkende toerisme-organisasie nie, maar ook goeie samewerking met die plaaslike munisipale personeel gebou het in die deurlopende oorlog teen rommel om die dorp skoner te kry en te hou. As uittredende voorsitter is sy opgewonde om die teuels te oorhandig aan Jeanine Marx en die res van die nuwe bestuur. “Jeanine en Angie is beide energiek en dinamies met Wiid en Hantie as ouer, ervare persone, ‘n amper kosmies gekose samestelling van ‘n bestuurskorps wat die organisasie verantwoordelik vorentoe kan neem. Ons het volle vertroue in ons nuwe bestuur.”
Marx sê sy is versigtig optimisties oor die nuwe uitdaging. “Dit is ‘n jong organisasie met ‘n stewige fondasie en hoekstene, maar in onseker plattelandse ekonomiese omstandighede moet elke tree vorentoe versigtig beplan word.” Sy bevestig dat toerisme ‘n lewensaar van die kleiner besighede en veral akkommodasiegeriewe in die dorp is, en dat ATA Aberdeen steeds graag as ‘n skoon, veilige en rustige plattelandse wegbreekbestemming wil bemark. ATA het nog nie ‘n sentrale, onafhanklike fisiese adres, oftewel ‘n kantoor nie en die volgende logiese doelwit is om ‘n fisiese inligtingspunt in die dorp te vestig.
“ATA het ‘n suksesvolle sigbare digitale voetspoor, veral in sosiale media en ons verbreed dit steeds, maar besoekende toeriste het ‘n fisies besoekbare, gesentraliseerde punt in die dorp nodig waar inligting oor die dorp, besighede en toerisme-trekpleisters eerstehands bekom kan word.”