Intlangano yeZilwanyanakwintab’ezono eRhini
Kucwangiso kwengxoxo wawumnye umbandela. Isizathu sokulsa imibhiyozo yePuku Story Festival. Ithiywe ngoxwebethu lwesilwanyana ongenakuze ulixelele nebala lwesikhumba salo; impuku erhubuluza emnyameni isonakalisa konke elhangana nako. Utshilo engqisha ekhonya uHashe, emana evukuzelisa isingca sakhe.
Yatsho imbhobholoza imbongolo; kha nifane nicinge bafondini; thina sideleke sinjalo sinophawu olwa shiywa nguYesu Kristu.
Imiqolo yazo zonke imbongoto ehlabathini yathiwa bhaxa ngophawu lomnqamlwzo. Owu kwatsho kwasika amazants’esisu ndacinga ukuba sikwixesha lenzila ngoku, sowukufuphi nalo mhla wokungena kuka Yesu eJerusalem! Kukurukukuru wayixhasa umqhagi le ntetho, watsho usaleka, kaloku mfo ka-bawo leya mpimpi uJudas yaxela iNkosi ukuba ndothi ndikhonya ekuseni abe uJudas endikhanyele kathathu.
Wanqwala uNobhala, inja isithi “Hayi xa nizazi kangaka izibhalo kuyakufuneka ukuba le mibandela ndiyibhale ngosiba olubomvu;
“Yim’apho Kanye nonjana ndizakukwenzela lula mna yatsho isithi Miya-awu ngeliqatsheleyo ikati. “Hlabela nkomo leya ngoma ithi Thuma mina nkosi yam.”
Wathabathisa uNokatana, enqwala-nqwala phakathi kwamathyolo ezimisele ukuyibamba impuku.
Zagqotsa zonke iimpuku ezazilapho zehla iNtab’ezono; lakatyu-lakatyu ziwela indlela zakutshona emakhaleni kumangcwaba amadala, ezinye zaya kuqhushekeka kuleya mfumba yenkukuma ifunjwe ngakulowa mzi wase Maqocweni.
Ezinye zayakubetheka kumatye ezikhumbuzo zabalwi ababengcwatywe ngeliya lixa lokuphela kwaleya mfazwe yesibini yelizwe apho amaJamani anikezelayo.
Nditheth’ba mna, zehla zonke izilwanyana zayakutshona kulawo mangcwaba. Mpuku zaziphi? Zazithe phatsha zikhefuza kukudinwa, kwazimbongolo ezo zinophawu zazixakelile Kanye kuleyo ndlela ye tela (tar) zisenza umtshato wazo, izithuthi zithe ngxi.
He mfundi, nditheth’ba umtshato ngumtshato kungakhe kunqumame naleyo ntlanganiso yobubhanxa!
Tyhini le?
Nanikhe nayibona phi imbhongolo izingela iimpuku kuba kufuneka uNobhala wenja efun igazi layo? Zphuku-phuku ze izilwanyana zase Rhini, yile nto thina sisuka siyekubutha kwiholo yesixeko eHigh Street; apho sifumana khona amalungelo ethu.
Nditsho kuba zikhona izikroxo zama Kwere-yho uxolo, kanene ngabancedi bethu abo bantu! Kodwa ke beziyakufumaneka iintsiba ezibomvu apho.
Kuthe gqi ixhegokazi elifutshane elalibizwa Mehlo Madala, lingumbhali kwiphepha ndaba Lasondela lihleka “Kwenzeka ntoni ba fondini? Nifuna ntoni kulawo matye esikhumbuzo? Nifika xa nam bendicinga ukukha ndiwafunde le mibhalo ikuwo,ndirhamela ukuba ngabalwi abaye bekuleya nqanawa uMendi eyazika ngonyaka 1917.
Kaloku kufuneka ukuba ndibhale inqaku ngeso sehlo!
Hayi kaloku Khokho, nathi zilwanyana besibambe intlananiso, sifuna ukuqonda ukuba isizathu sokuba le mibhiyozo kaPuku ithiywe nge mpuku. Waqhwaba izandla uKhokho esithi naye umenyiwe kuleyo mibhiyozo.
"Kwowu kukude apho” utshilo uGogo, wayeseleyeke noko kuzingela impuku uNokatana.
Inqwalile iNkomo ixela ukuba ezinye azizanga nasentlanganisweni, zicuthe indlela ngokuya kulalisa phantsi kwemithi eOatlands.
Owu suka Nkomo, beziphosisa ezo nkomo zihlala phaya imihla nge mihla, izinja zika Thabile umhlobo wam zikhonkotha zincame leyo nto ke ide yadala ubutshaba phakathi kwakhe nabamelwane bakhe abamhlophe, abathi, ingxolo yezinja zakhe zenza ukuba babuncame ubuthongo. Niyithanda njani ke bafondini eyokuba uMlungukazi athi uThabile makazitshixele egumbini izinja zakhe?!
Akabhadlanga lowo mlungukazi. Xa zinokutshixelwa, ubunja bazo, bokukhusela iKhaya zizakubenza njani?
Umlungukazi unokusuka ahlaziye leyo ndawo yayibizwa iSKIET, zibanjwe ezo nkomo, khon’ukuze abanini bazo bayeka ukuba nobuhlanti edolophini. Phofu ke zine Politiki ne nkomo “inkululeko yokuyabula nokuba kuphi na (Freedom of movement).
He-e-e-ihe-I yakhonya imbhongolo. kufundwa iincwadi ezibhalwe ngesiXhosa, abantwana bezikolo besenza ukhuphiswano ekufundeni nasekwenzeni ubizelo magama esiXhosa. Amabhaso angako!
Kanti ke bekukho nababhali neengcaphephe ezinxenye nokuphatha nokuseleka eli phulo ngemali; nombutho wamavili ezithuthi ohlangabezana nolondolozo lwendalo; nalo lwaluphisa ngeencwadana zamabali ,nezokuzoba; eli qela libizwa REDISA, liyilwe lishishini elenza amavili ezithuthi.
Kwakuboniswa nemifanekiso bhanyabhanya. Kwokhu ndibala ntoni na? izidlo zaziphucuke ngolona hlobo, ukususela umngqushweni ukuya kwezi ntofo-ntofo zamagqabi aluhlaza; kungahlawulwa nendibilityi.
Zee ntaru iimpuku zigqotsa ukunyka iNewtown - ziphathelele. Zilandela indlela njengoko zazise zivile ngayo.
Kwakungasekho nasilwanyana sasizakuzonzakalisa emva kweziyalo zika Khokho. Zithe apha endleleni zamana zibona iinkomo ezaziphanda inkukuma kuleya ndlela yase Worcester; ziqhithile apho zahlangana nabagcini masango, zaxelelwa kuba ziye kungena kwisango eli ngasemva, nalapho zalathiselwa kwigumb elalisesazulwini, elalingenazibane. Kowu imikhwa yokunyoluka! Zazimana zigilana zixhwitha kwanto ingathi iyatyeka, endingazi nokuba ngamaqhithiqhithi awayethutyuzeliswa ngondlela- mnyama ngoMama bekhitshi; kwazi bani?
Zimane ukuva mankentenkente kuthethwa ngePuku reading… akwade kucace ncam nokuba lento yayinanto yakwenza neempuku ubunqu bazo.
Akuzange kubuye kubizwe ntlanganiso emva kwalo msitho; no Nobhala wayephethwe ziingcwangu ezikhukhuzela amathawubo phantsi komthi kwaKhokho; kuba akazange aqalise ukuleqa aye kweso siphithi-phithi seempuku ezinephuunga.
Uvakele uzamla ethe tswi-i-i iintungwana esithi “Yamkela leyo ndawo uMdali wakho akudalele yona, uyenze ngocoselelo.
Yeka ukubala iintsikelelo zabanye abantu endaweni yokuba ubale ezakho ozifumana ngokulingene wena. Eso senzo sesomntu onobukhwele benkohlakalo.”
De sibuye sibonane kwelabantu.
Yaphel’intsomi.