Imakana LFA yongeze olunye ukhuphiswano
Ingqatsini yelanga ebikhupha iintlanzi emanzini yenze kwanzima kakhulu kwimidlalo yempelaveki yemakana LFA. Kwimidlalo yoompondo zihlanjiwe ijoza
Callies ibhaxabule inewtown City ngamanqaku amane eqandeni, logama ijacaranda Aces ibuye sele irhuqa ngasemva ngamanqaku amathathu eqandeni yabetha igrahamstown United ngamanqaku asixhenxe kwamahlanu.
Iattackers enkqenkqeza phambili kumanqwanqwa emakana LFA iyibethelele indawo yayo ngethuba ibetha inew Seekers ngamane kwamabini. Isophia Stars ibambene ngenqaku elinye macala necameroon yaze yona iyoung Eagles yavuthulula ilove and Peace ngamanqaku amane eqandeni, logama yona irhodes ibethe i6sai ngamanqaku amabini kwelinye.
Kuqale olunye ukhuphiswano oluzakutsala umdla wabathandi bebhola. Olukhuphiswano lolwabadlali abangaphantsi kweminyaka elishumi elinesibhozo. Isophia Stars ivule kakuhle ngethuba ibetha imighty chiefs ngamathathu eqandeni, logama icity Pirates ejonge lentshinga ngamehlo abomvu ibethe igolden Brothers, ekwajonge lentshinga nayo, ngamanqaku amabini kwelinye yaze yona ijoza Callies yadlala ntanganye negrahamstown United ngenqaku elinye macala.
Kwimidlalo yemakana LFA First division ipumba Pirates ibhulele oogqirha nezicaka igolden Brothers ngamanqaku asixhenxe kwelinye. Ilalibela Lions itsalele ifuture Stars engakhange ifike ebaleni. Isantos echithe ithuba elide ingasabonakali ibuye ngamandla yabetha ivukani Anchors ngamanqaku amahlanu eqandeni, kodwa ke ngokutsho kukanobhala jikelele wemakana LFA, uakhona Heshu, uthi ngokwengxelo ayifumene kusompempe obephethe umdlalo, isantos isilele ukukhupha amakhadi okudlala ntoleyo ebangele ukuba ivukani Anchors iwanikwe amanqaku alomdlalo.