Khorona ndokubonis’ amabel’enyoka
The imbongi is pointing to Corona promising it that he will meet it one day and Corona will run away. People will eventually overcome this pandemic, he says.
Mfazwe yezulu lezandla ayisenzang’anto Mfazwe yobunyoka nokusinyemba ayihambelanga ndawo
Nditsho nale yokusigxobha uxolo lungabikho
De kwangeniswa neziyobisi zisidungadunge Kuba asina mizi iziphekayo
Kodwa kuzele zizo lokishini zonke Hehaaaake!yangena ikhorona-na-n!
Kwakuba lapho le ikhona ndiyibonis’amabel’enyoka Ndiyivezel’amanqe am ndingena lusini Ndiyidlakaze ndiyiyuce
De iphelelwe ngumoya ndiyikrwitshe Indibonge idomboze icele uxolo Ndihlale phezu kwentloko ndiyitsale ngendlebe
Khorona ndiza kubonis’amabel’enyoka Kwaxhos’asinayo le ntetho Kodw’amabel’enyoka sikuvule amehlo Ukuba amantshontsh;enyoka afunxa phina Akhuliswa yintoni na atyebe abe tukutuku Kodwa unina namabele sibe singababoni
Sindulukile ukuya kuhlangula isizwe Ethupheni lakho siphumela ebunzimeni Uza ngeendlela ezimnyama njengomthakathi
Uza ngomsinga kanti ubuze ungukhorona qha
Ngoku uliwa ngeentlobo ngeentlobo Buyel’aph’ubuvela man asikudini
Inene ndokubonis’amabel’enyoka