Huisgenoot Beste Resepte: Braai
Marokkaanse varknek
MAROKKAANSE VARKNEK
SPESERYPASTA
5 ml (1 t) borrie
15 ml (1 e) fyn koljander knippie elk fyn kaneel en fyn naeltjies
60 ml (¼ k) olyfolie
2 suurlemoene se sap
2 knoffelhuisies, gekap hand vol gekapte vars koljanderblare en ment VLEIS
1,5 kg varknek, ontbeen en swoerd verwyder 375 ml (1½ k) vinkelgeur-rooibostee
125 ml (½ k) gekoopte braaisous of gladde appelkooskonfyt
sagte tortillas, gekapte rooi-ui en vars koljanderof roketblare vir voorsit
1 Speserypasta Meng die borrie, fyn koljander, kaneel en naeltjies met die olyfolie, suurlemoensap, knoffel, koljander en ment om ’n pasta te vorm.
2 Vleis Sny dun kepe oraloor die vleis en vryf dit goed met die pasta in. Hou sowat 30 minute eenkant.
3 Plaas in ’n vuurvaste emaljebak of swartpot, giet die rooibos oor, bedek en braai 1½-2 uur oor matige kole tot heerlik sag.
4 Verwyder die vleis uit die bak of pot, verf die buitekant met die braaisous of appelkooskonfyt en seël vinnig oor warm kole tot die vleis goed bruin is.
5 Kook die pansappe af tot geurig en dikker – voeg ’n bietjie appelkooskonfyt by indien verkies. Meng deur die vleis.
6 Sit voor op die tortillas saam met die gekapte rooi-ui en koljander- of roketblare.
GENOEG VIR
6 MENSE Bereiding 20 minute Marineertyd 30 minute Braaityd 1½-2 uur Gaarmaaktyd
15 minute