Huisgenoot Beste Resepte: Braai
Rooihoender op pasta
ROOIHOENDER OP PASTA
1 sakkie (200 ml) songedroogdetamatie-pesto 250 ml (1 k) volroomjogurt
250 ml (1 k) mayonnaise
van ’n goeie gehalte 8 hoenderporsies (dytjies
en boudjies) sout en peper
500 g gaar pennepasta hand vol swartolywe 80ml( k) gerasperde
pecorino-kaas basilieblare en pistachioneute vir afronding (opsioneel)
1 Meng die pesto met twee derdes van die jogurt en ’n derde van die mayonnaise.
2 Sny 2-3 kepe in die dik vleisgedeeltes van die boudjies en dytjies en geur met die sout en peper.
3 Smeer die pesto-pasta goed in die hoender in en laat 1 uur staan. Hou die oorskietpesto eenkant.
4 Braai sowat 45 minute hoog bo matige kole of tot die hoender sag en gaar is. Draai gereeld om.
5 Voeg intussen nog jogurt en mayonnaise by die oorskiet-pesto en laat dit in ’n potjie prut. Roer die jogurt-pesto-sous deur die gaar pasta en voeg die olywe by.
6 Rasper die kaas oor. Sprinkel die basilie en neute oor die pasta indien verkies. Sit dit voor saam met die gaar hoender.
GENOEG VIR 4-6 MENSE Staantyd
1 uur Bereiding 15 minute Braaityd 45 minute