Huisgenoot Beste Resepte: Braai
Kerrie-plathoender met mentjogurt
MARINADE
160 ml (²⁄₃ k) volroomjogurt
½ ui, gekap
3 knoffelhuisies, fyn gedruk
3 cm-stuk gemmerwortel, gerasper
15 ml (1 e) geroosterde masala
2 ml (½ t) borrie
60 ml (¼ k) olyfolie
HOENDER
1 heel hoender, langs die ruggraat oopgesny en platgedruk 1 suurlemoen se sap
MENTJOGURT
125 ml (½ k) natuurlike volroomjogurt groot hand vol mentblare, gekap
1 knoffelhuisie, fyn gedruk
2 ml (½ t) tamarynpasta, met ’n bietjie water aangemaak
1 Marinade Meng al die bestanddele vir die marinade.
2 Hoender Plaas die hoender in die marinade en laat oornag marineer.
3 Mentjogurt Meng al die bestanddele vir die mentjogurt. 4 Verwyder die hoender uit die marinade en druk dit droog. Smeer met die marinade en druk ’n bietjie sap uit die suurlemoen oor. Braai 45-60 minute oor matige kole tot gaar. Draai gereeld om en verf met die marinade; drup ook van tyd tot tyd ’n bietjie van die suurlemoensap oor.
5 Sit die hoender voor saam met die mentjogurt.
GENOEG VIR
4 MENSE Bereiding 20minute Marineertyd oornag Braaityd 45-60 minute