Sojavark-stokkies

MARINADE

180 ml (¾ k) sojasous

125 ml (½ k) rys- of appelasyn

6-8 knoffelhuisies, fyn gedruk

1 ui, fyn gekap

30 ml (2 e) strooisuiker

4 lourierblare

30-45 ml (2-3 e) olie hand vol gekapte koljanderblare

VLEIS

1 kg varknek, in groot blokke gesny skyfies of wiggies van 4 lemmetjies of 4 suurlemoene

(opsioneel) vars koljanderblare en lemmetjies vir afronding

LEWER 10-12 STOKKIES Bereiding 10 minute Marineertyd oornag Braaityd 25 minute

1 Marinade Meng al die bestanddele vir die marinade.

2 Vleis Laat die vleis oornag marineer.

3 Verwyder die vleis uit die marinade en hou die marinade eenkant. Ryg die vleis aan sosatiestokkies of louriertakkies. Indien verkies, kan dit om die beurt saam met lemmetjie- of suurlemoenskyfies geryg word.

4 Braai sowat 25 minute oor matige kole tot die vleis bruin is maar nie droog nie. Verf van tyd tot tyd van die marinademengsel oor.

5 Garneer met vars koljanderblare en lemmetjieskywe.

2