Picanha

Die naam (pie-kán-ja uitgespreek) val dalk nie so maklik op die Suid-Afrikaanse tong nie, maar daar’s niks lastigs aan die smaak nie! Dis hoekom picanha so gewild in Brasilië is.

Die snit is aan die bokant van die kruisskyf, en die geheim van sy heerlike geur is die gul laag vet – moet dit dus nie afof kleiner sny nie. As jy picanha met sy vetkant na onder braai (oor die kole of in die pan), sal dit nooit droog wees nie. As jy wil, kan jy die vet ná die gaarmaakproses wegsny. Omdat die spier in hierdie deel nie baie werk nie, is picanha so sag soos filet, maar het dit al die geur van kruisskyf.